COP29 Azərbaycan Əməliyyat Şirkətinin təşkilatçılığı ilə COP29 könüllüləri üçün “Eco Enacthon” layihəsi baş tutub.
"Azərbaycan müəllimi" AZƏRTAC-a istinadən xəbər verir ki, iki gün davam edən bu interaktiv layihədə könüllülər aktual ekoloji problemlərin həlli istiqamətində orijinal və innovativ layihələrin hazırlanması ətrafında bir araya gəliblər.
Avqustun 29-30-da Heydər Əliyev Mərkəzində keçirilən tədbirin ilk günündə COP29 könüllüləri ixtisaslaşmış ekspertlər tərəfindən aparılan iqlim dəyişmələri və dayanıqlılıq, tullantıların idarə edilməsi və çeşidlənməsi kimi müxtəlif ekoloji mövzularda, eyni zamanda, dayanıqlı biznes ideyalarının təkmilləşdirilməsi, məhsul brendlərinin yaradılması və idarə olunması kimi praktiki mövzularda təlimlərə qatılıblar.
Əldə edilən nəzəri və praktiki biliklər proqramın ikinci günündə keçirilən ekoloji layihə müsabiqəsində tətbiq olunub. Belə ki, “Eco Enacthon” yarışının qaydalarına əsasən, bir neçə komandaya bölünən könüllülər gün ərzində verilən tapşırıq və mövzular üzrə öz layihələrini təkmilləşdirərək münsiflər heyəti qarşısında təqdim ediblər. Komanda ruhunu möhkəmləndirən və birgə səylərin vacibliyini bir daha nümayiş etdirən “Eco Enacthon” çərçivəsində könüllülər dayanıqlı enerji həllərindən innovativ tullantıların idarə olunması təşəbbüslərinə qədər müxtəlif sahələri əhatə edə biliblər. Nəticədə ən kreativ yanaşma ilə işlənilən və daha çox aktuallıq daşıyan layihələr münsiflər heyəti tərəfindən qalib elan edilib, müvafiq komanda üzvlərinə mükafatlar təqdim olunub.
İqlim dəyişmələrinin təsirlərinin qarşısının alınmasında gənclərdə innovativ düşüncənin təşviqi və mövcud problemlərə fərqli yanaşmanın stimullaşdırılmasına, aktiv və təşəbbüskar gənclərin potensialının dəstəklənməsinə xidmət edən bu layihə könüllülərə öz ideyalarının daha sərbəst ifadəsi və tətbiqi, bunun üçün müvafiq sahələr üzrə ekspertlərdən dəyərli mentor məsləhətlərinin alınması üçün platformanı təmin edib.
![COP29 könüllüləri “Eco Enacthon” layihəsində iştirak ediblər](photos/1725089027259062700_1200x630.jpg)
![COP29 könüllüləri “Eco Enacthon” layihəsində iştirak ediblər](photos/1725089027207201776_1200x630.jpg)
![COP29 könüllüləri “Eco Enacthon” layihəsində iştirak ediblər](photos/1725089027118448066_1200x630.jpg)
![COP29 könüllüləri “Eco Enacthon” layihəsində iştirak ediblər](photos/17250890275116139108_1200x630.jpg)
![COP29 könüllüləri “Eco Enacthon” layihəsində iştirak ediblər](photos/17250890274678458673_1200x630.jpg)
![COP29 könüllüləri “Eco Enacthon” layihəsində iştirak ediblər](photos/17250890276268916360_1200x630.jpg)
![COP29 könüllüləri “Eco Enacthon” layihəsində iştirak ediblər](photos/17250890273594719943_1200x630.jpg)
![COP29 könüllüləri “Eco Enacthon” layihəsində iştirak ediblər](photos/172508902765137644_1200x630.jpg)
![COP29 könüllüləri “Eco Enacthon” layihəsində iştirak ediblər](photos/1725089027809930412_1200x630.jpg)
![COP29 könüllüləri “Eco Enacthon” layihəsində iştirak ediblər](photos/172508902746812931_1200x630.jpg)
![COP29 könüllüləri “Eco Enacthon” layihəsində iştirak ediblər](photos/172508902746812931_1200x630.jpg)
![COP29 könüllüləri “Eco Enacthon” layihəsində iştirak ediblər](photos/1725089027217044621_1200x630.jpg)
![COP29 könüllüləri “Eco Enacthon” layihəsində iştirak ediblər](photos/17250890273685940321_1200x630.jpg)