Dekabrın 12-də Bakı İdarəetmə və Texnologiya Kollecində ulu öndər Heydər Əliyevin anım gününə həsr olunmuş tədbir keçirilib. Tədbir Azərbaycanın Dövlət himninin sədaları ilə başlayıb.
Sonra tədbiri giriş sözü ilə açan Bakı İdarəetmə və Texnologiya Kollecinin direktoru, filologiya üzrə fəlsəfə doktoru Faiq Şahbazlı müasir müstəqil Azərbaycan dövlətinin memarı və qurucusu, dünyaşöhrətli siyasi xadim, türk dünyasının böyük oğlu, xalqımızın ümummilli lideri Heydər Əliyevin hələ sağlığında tarixin yaddaşında əbədiləşdiyini bildirib. Faiq Şahbazlı vurğulayıb ki, ulu öndər Heydər Əliyev şah əsəri olan müstəqil Azərbaycanı bütün dünyada şərəf və ləyaqətlə təmsil edib. Xalqımızın milli özünütəsdiqinin parlaq ifadəsinə çevrilmiş müstəqil dövlətçilik konsepsiyası məhz Heydər Əliyevin adı ilə bağlıdır.
Bakı İdarəetmə və Texnologiya Kollecinin müəllimi, pedaqogika üzrə fəlsəfə doktoru Nərminə Məmmədova “Heydər Əliyevin Azərbaycan dövlətçiliyində rolu” mövzusunda məruzə edib. N. Məmmədova ümummilli lider Heydər Əliyevin həyat yolu və yürütdüyü siyasət, onun Azərbaycanda hüquqi, demokratik və dünyəvi dövlət quruculuğu sahəsindəki misilsiz xidmətlərindən danışıb.
Tələbələr ulu öndər Heydər Əliyevə aid şeir söyləyib, mahnı oxuyublar.
Sonda dahi şəxsiyyətə həsr olunmuş videoçarx nümayiş etdirilib.
Şakir CƏFƏROV