ADPU-nun nəzdində Azərbaycan Dövlət Pedaqoji Kollecində ulu öndər Heydər Əliyevin anım gününə həsr olunmuş “Unudulmaz şəxsiyyət” adlı tədbir keçirilib. Tədbirdə Yasamal Rayon İcra Hakimiyyətinin ictimai-siyasi və humanitar məsələlər şöbəsinin müdiri Zöhrab Cəfərov, kollecin rəhbərliyi, müəllim və tələbə heyəti iştirak ediblər.
Tədbiri giriş sözü ilə açan kollecin direktoru, fizika-riyaziyyat elmləri üzrə fəlsəfə doktoru, dosent İsrayıl İsgəndərov böyük qurucu, ümummilli lider Heydər Əliyevin misilsiz xidmətlərindən danışaraq, onun Azərbaycanın xoşbəxtliyi və firavanlığı, bölgədə və dünyada sülh naminə göstərdiyi fövqəladə xidmətlərindən söz açıb.
Yasamal Rayon İcra Hakimiyyətinin ictimai-siyasi və humanitar məsələlər şöbəsinin müdiri Zöhrab Cəfərov Azərbaycanın bir dövlət kimi, xalqın isə bir millət kimi yaşamasının həqiqi xilaskarı olan Heydər Əliyevin Azərbaycan xalqının tarixi boyu yetişdirdiyi qeyri-adi şəxsiyyətlərdən biri olduğunu bildirib.
ADPK-nın müəllimlərindən İlhamə Əsgərova və Gülnarə Sadıqova çıxış ediblər.
Tələbələrin ifasında ulu öndər Heydər Əliyevə həsr olunmuş ədəbi-bədii kompozisiya nümayiş etdirilib.
Şakir CƏFƏROV