2018-2019-cu tədris ilində Bakı İdarəetmə və Texnologiya Kollecində metodik işlərin yaxşı qurulması ilə əlaqədar araşdırmalar və əməli işlər diqqət mərkəzinə çevrilib. Dinlənilmiş dərslər, kurikulumun tətbiqinin başlanması, müəllimlərin qarşısında mühüm tələblər qoyduğundan, kollecə bu istiqamətdə səriştəli kadrların dəvət olunması, dərslərin dinlənilməsi və öyrədici seminarların keçirilməsi istiqamətində böyük irəliləyişlər vardır.
Elə bu gün kollecdə genişləndirilmiş seminar müşavirənin keçirilməsi də buna real sübutdur. İlk öncə kollecin direktoru, fəlsəfə doktoru Faiq Şahbazlı kurikulumun tələbləri əsasında metodik işlərin təşkilindən söz açıb və müəllimlərin qarşısında duran vəzifələrdən danışıb.
Sonra metodist İlahə Orucova dinlənilmiş dərslər və onların təhlili haqqında danışıb və kurikulumdan irəli gələn məsələlər barədə ətraflı çıxış edib.
Sonda müəllimlərin sualları cavablandırılıb.
Şakir CƏFƏROV