Bakı Dövlət Universitetində Təhsil Tələbə Krediti Fondunun təşkilatçılığı ilə "İxtisasın sənin gələcəyindir" adlı seminar keçirilib.
Seminarda çıxış edən informasiya və texnologiya sahəsi üzrə mütəxəssislər Bəhruz Əzimov, Adil Vəliyev və Vüsət Əzizov abituriyentlərə gələcək peşə fəaliyyətlərinin formalaşması üçün tövsiyələr verib, abituriyent və valideynlərin suallarını cavablandırıblar.
Seminarda həmçinin “İxtisas seçimi necə edilir?”, “İxtisas seçimi zamanı nələrə diqqət yetirməli?”, “İxtisas seçimində edilən səhvlər nədir?”, “İmtahandan bir həftə əvvəl necə hazırlaşmalı?” və bu kimi digər mövzular ətrafında maraqlı müzakirələr aparılıb, Təhsil Tələbə Krediti Fondunun gələcək layihələrindən bəhs olunub.