Azərbaycan Dövlət Neft və Sənaye Universitetinin (ADNSU) “eazi START” Startap və İnnovasiya Mərkəzi “Ecosystem Autumn Meetup” tədbirində iştirak edib.
Payız görüşündə yerli #ekosistem oyunçuları ilə görülən işlər, həmçinin yeni imkanlar və gələcək planlar müzakirə edilib.
Görüşdə 2023-cü ilin 3-cü rübünün innovasiya ekosisteminin dinamikliyi ilə yaddaqalan olduğu bildirilib. Görüşdə həmçinin, son 3 ayda startap ekosisteminin inkişafının təşviqi üçün “Founders Academy”, “Viveka”, “Startup Wise Guys” proqramları haqqında məlumat verilib.
Payız “meetup”-da iştirak edən ADNSU-nun “eazi START” Startap və İnnovasiya Mərkəzinin koordinatoru Elviz İsmayılov mərkəzin 8 illik fəaliyyəti və gələcək proqramları haqqında danışıb.
Ümumilikdə ADNSU-nun 3 əməkdaşı “Vivek mentorship” proqramında uğurla iştirak edib.
Qeyd edək ki, artıq ənənə halını almış bu “meetup”lar innovasiya ekosisteminin oyunçuları üçün təcrübə, bilik, nailiyyətlər və planlar mübadiləsi baxımından əlverişli platformaya çevrilib.