Azərbaycan Texnologiya Universitetinin təşkilatçılığı, Təhsilin İnkişafı Fondunun, İnnovasiya və Rəqəmsal İnkişaf Agentliyinin, Kapital Bank, Azərsun və “Bir Tələbə Könüllü” təşkilatının dəstəyi ilə “GreenTech” Startap və Yaşıl Texnologiyalar” müsabiqəsinə start verilir.
Təhsilin İnkişafı Fondundan bildirilib ki, müsabiqə Prezident İlham Əliyevin sərəncamı ilə elan edilmiş “Yaşıl dünya naminə həmrəylik ili” çərçivəsində təşkil olunur.
Yarışın final mərhələsi 1-2 may 2024-cü il tarixlərində baş tutacaq.
Tələbələr qeydiyyat, eləcə də müsabiqənin kateqoriyaları ilə bağlı ətraflı məlumat əldə etmək üçün QR kod və ya atu.edu.az/greentech linkindən istifadə edə bilərlər.
Qeydiyyat üçün son tarix 23.04.2024-cü ildir.
Qeyd edək ki, bütün ali təhsil müəssisələrinin tələbələri müsabiqədə iştirak edə bilərlər.