Bakı Şəhəri üzrə Təhsil İdarəsi (BŞTİ) tərəfindən paytaxtın təhsil müəssisələrinin iştirakı ilə keçirilən “Məktəblinin yay mütaliəsi” layihəsi davam edir.
"Azərbaycan müəllimi" xəbər verir ki, layihənin əsas məqsədi şagirdlərin yay tətili günlərində asudə vaxtlarının səmərəli təşkili, mütaliəyə maraqlarının artırılması, kitab mübadiləsi mədəniyyətinin genişləndirilməsi, oxu bacarıqlarının inkişaf etdirilməsi və nitq vərdişlərinin təkmilləşdirilməsindən ibarətdir.
Layihə çərçivəsində paytaxtın təhsil müəssisələri şagirdlərin oxuduğu kitabları əks etdirən fotoşəkilləri, yaxud oxuduqları əsər və onun müəllifi ilə bağlı fikirlərinə dair videogörüntüləri məktəbin sosial şəbəkə hesablarında #məktəblininyaymütaliəsi haşteqi ilə paylaşırlar.
Qeyd edək ki, layihə sentyabr ayına qədər davam edəcək.
![“Məktəblinin yay mütaliəsi” layihəsi davam edir](photos/001-23.08.2024-2s.jpg)
![“Məktəblinin yay mütaliəsi” layihəsi davam edir](photos/001-23.08.2024-3.jpg)
![“Məktəblinin yay mütaliəsi” layihəsi davam edir](photos/001-23.08.2024-4.jpg)
![“Məktəblinin yay mütaliəsi” layihəsi davam edir](photos/001-23.08.2024-5.jpg)