Təhsil mütəxəssisi, jurnalist, tədqiqatçı
Vaqif Fətullayev
Vaqif Fətullayev 2018-ci ildə Şamaxı şəhər, Şəhriyar qəsəbə tam orta məktəbini fərqlənmə attestatı ilə bitirmişdir. 2018-ci ildə 659 balla Azərbaycan Dillər Universitetinin "İngilis dili müəllimliyi" ixtisasına qəbul olmuş, 2019-cu ildən isə Elm və Təhsil Nazirliyinin SABAH qruplarında təhsilini davam etdirmişdir. 2022-ci ildə həmin universiteti fərqlənmə ilə bitirmişdir. 2022-2024-cü illərdə isə Azərbaycan Dövlət Pedaqoji Universitetinin SABAH magistratura proqramının "Təlim və tədrisin təşkili və metodikası" ixtisaslaşmasında təhsil almış və fərqlənmə ilə məzun olmuşdur. Bunlarla yanaşı, Kaliforniya Universiteti, London Universiteti, Kopenhagen Biznes Məktəbi, İllinoys Universiteti, Miçiqan Universiteti və Qlazqo Universiteti kimi nüfuzlu təhsil müəssisələrində təhsilin idarəolunması, strateji idarəetmə, effektiv ünsiyyət, təhsildə inklüzivlik, təhsildə innovasiyalar, təhsildə keyfiyyət təminatı, komandaların təşkili və idarəolunması, strateji planlaşdırma, təşkilati dizayn, layihə idarəetməsi və yumşaq bacarıqlarla bağlı müxtəlif beynəlxalq kurs, seminar, təlim və proqramları müvəffəqiyyətlə tamamlamışdır. 2018-ci ildən əmək fəaliyyətinə başlayan Vaqif Fətullayev 2018-2024-cü illər arasında qiymətləndirmə mütəxəssisi, müəllim, layihə rəhbəri, beynəlxalq qiymətləndirmələr (PISA, TIMSS, ICILS, TIMSS, PIRLS) üzrə mütəxəssis və s. vəzifələrdə çalışmışdır. 2023-2024-cü illərdə Azərbaycan Dövlət Pedaqoji Universitetində mütəxəssis, həmçinin Təhsildə Keyfiyyət Təminatı Agentliyində institutisonal və proqram akkreditasiyaları üzrə ekspert kimi fəaliyyət göstərmişdir. Hazırda Elm və Təhsil Nazirliyinin mətbu orqanı olan "Azərbaycan müəllimi" qəzetində fəaliyyətini davam etdirir. Vaqif Fətullayev yerli və beynəlxalq indeksli elmmetrik jurnallarda çap olunan onlarla tezis və elmi məqalələrin, həmçinin pedaqoji yazıların müəllifidir. İngilis və alman dillərini bilir.
Bloqları
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Elm və təhsil xəbərlərinin etibarlı ünvanı!
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.