İbrahim Hüseynov

Direktor müavini

İbrahim Hüseynov

İbrahim Hüseynov 20 fevral 1997-ci ildə Cəlilabad rayonunda anadan olub. O, 2004-cü ildə Salyan rayonu Həsən Şahbazov adına Kərimbəyli kənd tam orta məktəbinə qəbul olunmuş və 2015-ci ildə həmin məktəbi müvəffəqiyyətlə bitirmişdir. Orta məktəbdə təhsil aldığı zamanlar dəfələrlə olimpiada yarışlarında iştirak edib uğur qazanmışdır. Daha sonra ali təhsil almaq məqsədilə Azərbaycan Dövlət Pedaqoji Universitetinə sənəd vermişdir və 2019-cu ildə ali təhsilini başa vurmuşdur. Ali təhsil aldığı dövrdə həm ixtisası üzrə həm də idarəetmə və maliyyə kurslarında dəfələrlə iştirak edib fərqlənmişdir. 2018-ci ildə təşkil edilən tələbələr arası Məntiq olimpiadasının final mərhələsinə qədər yüksəlməyi bacarmışdır. Universiteti bitirdikdən sonra müddətli həqiqi hərbi xidmətə yollanmış, xidmətini N-saylı hərbi hissədə keçmiş və 2 iyul 2020-ci ildə ordu sıralarından tərxis olunmuşdur. Hərbi xidmət edərkən bir neçə dəfə təltif edilmişdir. 2020-ci il 27 sentyabr tarixində başlayan Vətən Müharibəsinə könüllü qatılmış və Füzuli, Cəbrayıl, Hadrut istiqamətində gedən ağır döyüşlərdə iştirak etmişdir. 15 oktyabr 2020-ci ildə yaralanmış və hazırda 2-ci qrup Qarabağ qazisi statusuna malikdir. Müharibədən sonra İbrahim Hüseynov təhsil sahəsində fəaliyyətini davam etdirmişdir. Müvafiq olaraq Salyan rayonu Qarabağlı kəndi 1 nömrəli tam orta ümumtəhsil məktəbində daha sonra isə Salyan rayonu Kərimbəyli kənd tam orta ümumtəhsil məktəbində çalışmışdır. Hal-hazırda Salyan rayonu Qarabağlı kəndi 2 nömrəli tam orta ümumtəhsil məktəbində direktor müavini vəzifəsində çalışır. Əmək fəaliyyəti ilə yanaşı, Bakı Mühəndislik Universitetinin İqtisadiyyat və İdarəetmə fakültəsində Dövlət və Bələdiyyə idarəetməsi ixtisası üzrə ikinci ali təhsilini alır. Eyni zamanda Qanunvericilik üzrə təlimçi və Məktəbşünaslıq və onun müasir metodlarla idarə edilməsi mövzusunda araşdırmalar aparır.