Bu ilin tələbə qəbulu müsabiqəsində iştirak edərək yüksək nəticə göstərən Zümrüd Tağızadə 651.9 balla Azərbaycan Dövlət Pedaqoji Universitetinin (ADPU) Riyaziyyat və informatika müəllimliyi ixtisasına qəbul olunub.
O, 2022-ci ildə ADPU-ya ən yüksək balla qəbul olunan tələbədir.
Qeyd edək ki, Zümrüd orta məktəbi fərqlənmə diplomu ilə bitirib.
Zümrüdün əkiz bacısı Yaqut Tağızadə də qəbul imtahanlarında 586.3 bal toplayaraq ADPU-nun Azərbaycan dili və ədəbiyyatı müəllimliyi ixtisasına qəbul olunub. Zümrüd və Yaqut bacıları Bakı şəhəri V.Mirzəliyev adına 281 saylı məktəbin məzunlarıdır.
Bu barədə ADPU-dan bildirilib.