Məlum olduğu kimi, Nazirlər Kabineti yanında operativ qərargahın xüsusi rejimdə iş üzrə Təlimatına uyğun olaraq, mərkəzi və yerli icra hakimiyyəti orqanlarının və dövlət qurumlarının rəhbərlərinə koronavirus (COVİD-19) infeksiyasına qarşı mübarizə məqsədilə iclasların, müşavirələrin mobil və internet vasitəsilə keçirilməsi üçün tapşırıqlar verilib.
Bunu nəzərə alaraq, martın 17-dən Azərbaycan Texniki Universiteti (AzTU) onlayn idarəetmə sisteminə keçib. Artıq iclaslar və toplantılar onlayn təşkil edilir.
Həmçinin AzTU-nun martın 18-nə nəzərdə tutulan Elmi Şurası da onlayn rejimdə keçiriləcək.