Ana səhifə Seçilmişlərə əlavə et Bizə yazın

     
 
 XƏBƏRLƏR
 
 
 
RƏSMİ
 
 
 HEYDƏR ƏLİYEV FONDU
 
 
 
QANUNVERİCİLİK
 
 
 
TƏHSİL NAZİRLİYİNDƏ
 
 
 
PEDAQOJİ YAZILAR
 
 
 MÜSAHİBƏLƏR
 
 
 
İDMAN
 
 
 
FOTOQALEREYA
 
 
 ARXİV
 
 
 ƏLAQƏ

 
 

Azərbaycan təhsili: yaxın keçmişə, bu günə və gələcəyə bir baxış
 

Dünya universitetləri

internetdə

saytda

 

Fotoqalereya

 
 
 
 
 
 
 
 
 

ARXİV

26 Noyabr 2010 - 46

 

Azərbaycanın Milli Qəhrəmanları

Bookmark and Share

Məmmədov Kazım Ərşad oğlu 

1969-cu il oktyabrın 1-də Cəbrayıl rayonunun Böyük Mərcanlı kəndində anadan olmuşdu. 1986-cı ildə kəndlərindəki orta məktəbi bitirmiş, elə həmın il Gəncə İnşaat Texnikumuna daxil olmuşdu. 1988-ci ildə ordu sıralarına çağırılmışdı. Hərbi xidmətini Çelyabinsk şəhərində yerinə yetirmiş, 1990-cı ildə ordudan tərxis olunmuşdu. Sonra yarımçıq qalmış təhsilini davam etdirmişdi. Kazım 1991-ci ildə Cəbrayıl rayon DİŞ-də post-patrul xidmətində işə qəbul olunmuş və tez bir zamanda  cəbhəyə yollanmışdı. O, Zamzur kəndindəki dinc əhalinin təhlükəsizliyini təmin etmişdi. 1991-ci il noyabrın 15-də ermənilər Zamzur kəndinə hücuma keçərkən Kazım yaşayış yerlərinin birində müdafiə mövqeyi seçmişdi. Döyüşdə ermənilər xeyli canlı qüvvə itirsə də, Kazımın yerləşdiyi evi yandırmağa nail olmuşlar.

Kiçik çavuş K.Məmmədov elə həmin döyüşdə düşmənə təslim olmadan qəhrəmancasına həlak olub.

Subay idi.

Azərbaycan Respublikası Prezidentinin 8 oktyabr 1992-ci il tarixli 264 nömrəli Fərmanı ilə Məmmədov Kazım Ərşad oğlu ölümündən sonra Azərbaycanın Milli Qəhrəmanı adına layiq görülüb.

Böyük Mərcanlı kəndində dəfn olunub. Təhsil aldığı məktəb onun adını daşıyır. Məktəbin önündə büstü qoyulub. Adına üç mükafat təsis edilib. 

Məmmədov Mövsüm Şahin oğlu 

1967-ci il iyunun 6-da Xocalı rayonunun Kosalar kəndində anadan olmuşdur. Rayonun Canhəsən kənd ibtidai məktəbini bitirdikdən sonra orta təhsilini 1984-cü ildə doğma kəndlərində başa çatdırmışdır. Mövsüm 1985-ci ildə ordu sıralarına əsgəri xidmətə çağırılmışdır. 1987-ci ildə hərbi xidmətini müvəffəqiyyətlə başa çatdıraraq, ordudan tərxis olunub Vətənə dönmüşdür. O, əmək fəaliyyətinə Şuşa Elektrik Şəbəkəsi Birliyində başlamışdır. 1990-cı ildən həyatını daxili  işlər orqanlarına bağlamışdır. 1992-1993-cü illərdə doğma Azərbaycanımızın ayrılmaz bir hissəsi olan Qarabağda erməni işğalçılarına qarşı gedən ağır döyüş əməliyyatlarında bacarıqlı bir polis işçisi kimi fəal iştirak etmişdir. M.Məmmədov 1994-cü ildə Şuşa Rayon Polis Şöbəsinin post-patrul xidməti bölüyünə komandir təyin edilmişdir. 1995-ci ildə PPX-in komandiri vəzifəsinə irəli çəkilmişdir. 1998-ci ildə DİN-in Polis Akademiyasını bitirmişdir. Şuşa Rayon Polis Şöbəsinin xidmət üzrə rəis müavini vəzifəsində çalışmışdır.

Azərbaycan Respublikası Prezidentinin 25 fevral 1997-ci il tarixli 553 nömrəli Fərmanı ilə Məmmədov Mövsüm Şahin oğlu Azərbaycanin Milli Qəhrəmanı adına layiq görülüb.

Ailəlidir.  

Məmmədov Natiq Bəşir oğlu 

1975-ci il mayın 11-də Zaqatala rayonunun Əli Bayramlı kəndində anadan olmuşdu. 1990-cı ildə kəndlərindəki orta məktəbin səkkizinci sinfini bitirdikdən sonra təhsilini Qax rayonundakı 3 nömrəli Texniki Peşə Məktəbində davam etdirərək mexanizator peşəsinə yiyələnmişdi. 1993-cü il mayın 13-də Zaqatala rayon Hərbi Komissarlığı tərəfindən ordu sıralarına çağırılmışdı. Seyfəlidə təlim keçən Natiqin  döyüş yolu Ağdam, Füzuli, Tərtər bölgələrindən keçmişdi. O, bu döyüş bölgələrində komandirləri tərəfindən ona verilmiş hər bir tapşırığı xüsusi peşəkarlıqla yerinə yetirərək erməni işğalçılarına qarşı fədakarlıqla mübarizə aparmışdı. 1994-cü il oktyabrın 4-də bacarıqlı bir əsgər kimi xüsusi təyinatlı dəstənin tərkibində Gəncə şəhərinə göndərilmişdi.

N.Məmmədov həmin vaxt Gəncədəki qiyamın yatırılmasında fəal iştirak edərək vəzifə borcunu yerinə yetirərkən qəhrəmancasına həlak olub.

Subay idi.

Azərbaycan Respublikası Prezidentinin 5 oktyabr 1994-cü il tarixli 215 nömrəli Fərmanı ilə Məmmədov Natiq Bəşir oğlu ölümündən sonra Azərbaycanın Milli Qəhrəmanı adına layiq görülüb.

Zaqatala rayonunun Əli Bayramlı kəndində dəfn olunub. Əli Bayramlı kəndindəki uşaq bağçası onun adını daşıyır. 

Məmmədov Nizami Murad oğlu 

1958-ci il yanvarın 12-də Xankəndi şəhərində anadan olmuşdu. N.Gəncəvi adına 4 nömrəli şəhər orta məktəbini bitirdikdən sonra 1975-1977-ci illərdə İrkutsk vilayətində hərbi xidmətdə olmuşdu. Əsgəri xidmətini başa çatdıraraq əvvəlcə Xankəndi Şəhər Yaşıllaşdırma İdarəsində, sonra isə Qarabağ İpək Kombinatında çalışmışdı. Bir müddət sonra arzusunu reallaşdırmaq üçün Bakı Xüsusi Milis Məktəbinə daxil olmuş və oranı bitirərək Xankəndi Şəhər Polis Şöbəsində növbətçi köməkçisi işləməyə başlamışdı. O, Xankəndində milli münasibətlər gərginləşən zaman Şuşa  RPŞ-nə göndərilmişdi. 1988-1989-cu illərdə erməni işğalçılarının ölkəmizə təcavüzü zamanı Nizami Kərkicahan, Qaybalı kəndlərində yerləşən özünümüdafiə dəstələrinə silah-sursat çatdırılmasına kömək etmişdi. Malıbəyli, Daşaltı, Qaladərəsi əməliyyatlarında rəşadətlə vuruşmuşdu.

N.Məmmədov 1992-ci il martın 29-da Şuşa Şəhər Polis Şöbəsinin  bombalanması zamanı həlak olub.

Ailəli idi. Üç övladı var.

Azərbaycan Respublikası Prezidentinin 8 oktyabr 1992-ci il tarixli 264 nömrəli Fərmanı ilə Məmmədov Nizami Murad oğlu ölümündən sonra Azərbaycanın Milli Qəhrəmanı adına layiq görülüb.

Bərdə rayonunun Dəymədağlı kəndində dəfn olunub. 

Məmmədov Sahil Ələmdar oğlu 

1964-cü il fevralın 25-də Qərbi Azərbaycanın Uluxanlı (Masis) rayonunun Yuxarı Necili ( Nizami) kəndində anadan olmuşdur. Altı yaşından Bakı şəhərinə gəlmişdir. 1981-ci ildə Bakıxanov  qəsəbəsindəki 96 nömrəli  orta məktəbi bitirmişdir. 1982-ci ildə hərbi xidmətə çağırılmışdır. O, 1983-cü ildə Moskva vilayətinin Krasnoqorsk şəhərində xidmət edərkən hərbi rəhbərliyin göndərişi ilə SSRİ  DİN-in Sankt-Peterburq şəhərindəki Ali Siyasi Məktəbinə daxil olmuşdur. 1987-ci ildə təyinatla Ukrayna Respublikasının Çerniqov, sonra isə Kiyev şəhərlərinə göndərilmişdir. 1991-ci ilin oktyabrında sovet ordusu sıralarından tərxis olunmuşdur. 1992-ci il yanvarın 2-də Azərbaycan Respublikası DİN-in Daxili Qoşunlar İdarəsinin hərbi polis alayında rota komandirinin müavini kimi fəaliyyətə başlamışdır. Daha sonra o, Ağkənd, Dərəli, Qazançı kəndlərində zastava rəisi təyin edilmişdir.

Polkovnik-leytenant S.Məmmədov 1994-cü ildən DİN-in Pasport, Viza və Qeydiyyat İdarəsində baş inspektor vəzifəsində çalışır.

Azərbaycan Respublikası Prezidentinin 8 oktyabr 1992-ci il tarixli 264 nömrəli Fərmanı ilə Məmmədov Sahil Ələmdar oğlu Azərbaycanın Milli Qəhrəmanı adına layiq görülüb.

Ailəlidir. 

Milli Qəhrəmanlar Beynəlxalq İnformasiya
Mərkəzinin materialları əsasında
hazırladı: Ədalət DAŞDƏMİRLİ

 
Səhifənin başına qalx Nömrənin müdəricatına dön

Səhifənin başına qalx

 

HEYDƏR ƏLİYEV

İLHAM ƏLİYEV

MEHRİBAN ƏLİYEVA

HEYDƏR ƏLİYEV
FONDU

AZƏRBAYCAN RESPUBLİKASI TƏHSİL NAZİRLİYİ

 
26 Noyabr 2010 - 46
O.Q.Həsənlinin Naxçıvan Müəllimlər İnstitutunun rektoru vəzifəsinə təyin edilməsi haqqında Azərbaycan Respublikası Prezidentinin Sərəncamı
 
Azərbaycan Dövlət Neft Akademiyasının 90 illik yubileyinə həsr olunmuş təntənəli mərasim Prezident İlham Əliyev mərasimdə iştirak edib
 
"Təhsil və texnologiya vasitəsilə iqtisadi inkişaf" mövzusunda beynəlxalq konfrans
 
ADNA-nın 90 illiyinə həsr olunmuş beynəlxalq elmi konfrans
 
Noyabrın 19-da təhsil naziri Misir Mərdanov Livanın gənclər və idman naziri Əli Hüseyn Abdullah və  Azərbaycanın Livandakı fəxri konsulu Nazih Gassub ilə görüşüb
 
Əlavə təhsillə bağlı müşavirə keçirildi
 
Azərbaycan Dövlət Neft Akademiyasının 90 illik yubileyinə həsr olunmuş təntənəli mərasim
 
Dövlət İdarəçilik Akademiyasında Ümumdünya Fəlsəfə Gününə həsr olunmuş "dəyirmi masa" keçirilib
 
İKT sahəsində yüksək ixtisaslı kadrlar hazırlanır
 
BDU-da "Tədris elektron mərkəzi" açılıb
 
NDU-da dahi bəstəkarın yubileyi qeyd edilib
 
Bakı Dövlət Universiteti və Edinboro Universiteti arasında  memorandum imzalanıb
 
Avstriyanın səfiri Dövlət İdarəçilik Akademiyasının qonağı olub
 
"Milli İKT və Təhsil strategiyasının inkişafı"
 
Yeni məktəblərimiz
 
Azərbaycanlı alimin beynəlxalq konfransda məruzəsi böyük maraq doğurub
 
"Ali təhsildə elektron tədris" mövzusunda seminar
 
VI Uluslararası folklor konfransı
 
Tələbə Elmi Cəmiyyətinin 70-ci elmi konfransı
 
Böyük qəhrəmanlıq, hünər, vətənpərvərlik nümunəsi
 
Milli qiymətləndirmə
 
Sorğu guşəsi
 
Paytaxt məktəblərində reydlər keçirildi
 
Məktəbdə təhsilin keyfiyyətinin yüksəldilməsi istiqamətində uğurlu işlər aparılır
 
 Kürdəmirin Carlı kəndində yeni məktəb binası istifadəyə verilib
 
"Azərbaycan təhsili yeni inkişaf mərhələsində" respublika elmi-praktik konfransı
 
ADU-da TEMPUS proqramı üzrə "Koordinasiya  görüşü"
 
"Şimal-Şərqi Azərbaycanın maddi mədəniyyəti"
 
Şeir müsabiqəsinə yekun vurulub
 
Məktəbdə xeyriyyə tədbiri
 
180 yaşlı məktəbin salnaməsi
 

Məktəbdə yaradıcılıq gecəsi

 
Şagird dünyasını işıqlandıran müəllim ömrünün ziyası
 
Qədim Çin filosofu və pedaqoqu - Konfutsi
 
Naxçıvanlı müəlliflər "Gümüşkalem" dərgisində
 

Microsoft "BakuTel 2010" sərgisində geniş şəkildə təqdim olunur

 
Uşaqlara sevinc, təbəssüm bəxş edildi
 
Nobel mükafatı laureatlarının sayı üzrə ölkələrin siyahısı
 
Azərbaycanın Milli Qəhrəmanları
 
"Təbiət uşaqların gözü ilə" mövzusunda sərgi keçirilib
 
İnformasiya texnologiyalarının tətbiqinə həsr olunmuş "dəyirmi masa"
 
Şagirdlər kompüter biliklərinə həvəslə yiyələnirlər
 
Səmimi insan, səriştəli təhsil işçisi
 
Dərsdə əlaçı, idmanda birinci
 
Azərbaycanın futbol əfsanəsi - Banişevski
 
Məktəblilərin idman uğurları
 
Taekvando üzrə respublika birinciliyi
 
Dünyanın ən nüfuzlu ali məktəblərinin reytinqi
 
Dünya unversitetləri: Boston Universiteti
 

2007 - 2015-ci illərdə Azərbaycan gənclərinin xarici ölkələrdə təhsil üzrə
DÖVLƏT PROQRAMI

Azərbaycan Respublikasında texniki peşə təhsilinin inkişafı üzrə
DÖVLƏT PROQRAMI

Azərbaycan Respublikası Təhsil Nazirliyi
KURİKULUM PORTALI

Azərbaycan Respublikası
TƏHSİL PORTALI

 

Copyright 2010   All Rights Reserved.
Created and supported by
Mehman Shafagatov