Bütün xəbərlər
8 noyabr, 12:40

Bayram tədbirləri uşaqları daha vətənpərvər edir, onları milli dəyərlərimizə daha sıx bağlayır 

Hər bir azərbaycanlının ürəyində qürur hissi oyadan Zəfər bayramı xalqımızın iradəsi və cəsarətinin təntənəsidir. Bu gün Azərbaycanın haqq savaşının qələbə ilə yekunlaşdığı, 30 illik işğala son qoyulduğu tarixdir. Bu tarixi gün münasibətilə Azərbaycanın hər bir bölgəsində, eləcə də Mərkəzi Aran və Şəki-Zaqatala Regional idarələrinin tabeliyindəki məktəb və bağçalarda xüsusi tədbirlər təşkil olunub. Mərkəzi Aran Regional Təhsil İdarəsinin tabeliyində fəaliyyət göstərən Kürdəmir, Ucar, Ağdaş, Göyçay, Mingəçevir, Yevlax və Zərdab rayonlarının məktəb və bağçalarında, həmçinin Şəki-Zaqatala Regional İdarəsinin tabeliyində olan Şəki, Oğuz, Zaqatala, Qax, Balakən və Qəbələ rayonlarının məktəblərində Zəfər bayramı coşqusunu əks etdirən tədbirlərin keçirilməsi xalqımızın bu möhtəşəm tarixə olan sevgi və bağlılığını göstərir.

Bu bayram yalnız qələbənin qeyd edilməsi deyil, həm də gənc nəslə milli vətənpərvərlik ruhunun aşılanması üçün əvəzolunmaz bir fürsətdir. Təhsil müəssisələrində keçirilən Zəfər bayramı tədbirləri, açıq dərslər və yarışlar Azərbaycanın qəhrəmanlıq dolu tarixini gələcək nəsillərə çatdırır, onları vətənə daha sıx bağlayır.

Zəfər Gününün tədrisdəki rolunun gücləndirilməsi

Mərkəzi Aran və Şəki-Zaqatala regional idarələrinin tabeliyində olan hər bir məktəbdə və bağçada bayram ərəfəsində şagirdlərə Azərbaycanın zəfər yolu haqqında geniş məlumatlar verilir. Təhsil müəssisələrində keçirilən tədbirlər müəllimlərimizin Vətən sevgisini və milli ruhu gənc nəslə çatdırması üçün bir platformadır. Qazilər məktəblərdə şagirdlərlə görüşərək onlarla döyüş xatirələrini bölüşür, bu görüşlərdə şagirdlər Vətənin hər bir qarışının necə böyük fədakarlıqla qorunduğunu daha dərindən dərk edir, şəhidlərimizin və qazilərimizin qəhrəmanlıqları ilə qürur duyur, milli dəyərlərimizə daha sıx bağlı olurlar.

Bu gün hər bir məktəbdə şagirdlərin dilində “Biz Mübarizik, bir Fəridik, biz bir ölərik, min dirilərik – təki Vətən sağ olsun!” şüarı dolaşır. Mərkəzi Aran Regional İdarəsinin tabeliyində olan yeddi rayonda, Şəki-Zaqatala Regional İdarəsinin tabeliyindəki altı rayonda keçirilən Zəfər bayramına həsr olunan tədbirlərdə milli qəhrəmanların döyüşdə göstərdikləri şücaət vətənpərvərlik ruhunu daha da gücləndirir. Müəllimlərimiz bayram sevincini şagirdlərə qürur və fəxarətlə çatdırır, onları bu coşqu ilə böyüdürlər. Vətən torpağını qorumaq və sevmək şagirdlərə təkcə tarix dərsində deyil, hər bir dərsdə çatdırılır. Bu, sadəcə bir dərs deyil, Vətənə sevgi hissinin şüurlarda və qəlblərdə dərinləşməsidir.

Tədris prosesində Vətən sevgisinin aşılanması məqsədilə Mərkəzi Aran Regional Təhsil İdarəsinin həyata keçirdiyi “Qarabağa virtual səyahət” layihəsi və Şəki-Zaqatala Regional İdarəsinin təşkil etdiyi “Zəfər” elm müsabiqəsi şagirdlərin Qarabağ və Azərbaycanın digər tarixi məkanları haqqında dərin biliklər əldə etməsinə, milli-mədəni sərvətimizi daha yaxşı tanımasına şərait yaradır. Bu layihələrdə yüzlərlə şagird Qarabağın hər guşəsi ilə tanış olur və Vətənimizin zəngin mədəniyyətini, tarixini öyrənir.

Şəhid və qazilərin qəhrəmanlıq hekayələri əbədiləşdirilir

Vətən uğrunda şəhid olan igidlərimizin hekayələri məktəblərdə müxtəlif formalarda əbədiləşdirilir. Müəllimlər şagidlərin Şəhidlər xiyabanlarına ziyarətlərini təşkil etməklə, onları bu qəhər dolu hekayələrlə tanış etməklə həm də Vətəni  sevən gənclərin yetişdirilməsinə dəstək verirlər. 

Bağçalar da bu tərbiyəvi tədbirlərin bir hissəsi olaraq, uşaqların qəlbində Vətən sevgisini aşılayır. Kiçik yaşlarından bu torpaqların müqəddəs olduğunu dərk edən azyaşlılarımız ölkəmizin layiqli vətəndaşları kimi yetişirlər. Bağçalarda keçirilən bayram tədbirləri sayəsində o balaca fidanların qəlbində Vətən sevgisi ilmə-ilmə, naxış-naxış toxunur.

Bu bayram ölkəmizin əbədi və bölünməz olduğunu gənc nəslə çatdırmaq baxımından bir həyat dərsi kimi dəyərlidir.

1 /9

Şərhlər

Xəbər lenti

30 avqust, 12:16

Xaçmaz rayonu üzrə 650 məzun tələbə oldu

30 avqust, 10:59

Azərbaycanlı Kanzas Dövlət Universitetində yüksək vəzifəyə təyin olunub

30 avqust, 09:08

“Ana dili – Azərbaycan məktəbi”nə qeydiyyat başlayıb

29 avqust, 18:28

MİQ müsabiqəsinin müsahibə mərhələsinin nəticələri açıqlanıb

29 avqust, 17:23

Mühəndislikdə zərif güc: 50 qadın “Zərif mühəndislər”lə real istehsalata addım atdı

29 avqust, 17:01

İndiyədək 59 000-dən çox təhsil krediti müqaviləsi rəsmiləşdirilib – TTKF

29 avqust, 16:59

Peşə təhsili müəssisələrinə işə qəbul üzrə müsahibə mərhələsi başlayıb

29 avqust, 16:52

Evdə təhsil ləğv olunmayıb – RƏSMİ AÇIQLAMA

29 avqust, 16:26

ICPC dünya finalının direktoru: Azərbaycan 6 aya hazırlıq görən ilk ölkədir – MÜSAHİBƏ

29 avqust, 15:40

ADNSU rəhbərliyi Vorvik Universitetində tədqiqat mərkəzləri ilə tanış olub

29 avqust, 14:51

ADPU-da “Mexanikada yeni trendlər” adlı elmi konfrans keçiriləcək

29 avqust, 14:47

Mil-Muğan regionunun 41 məktəbində tikinti və təmir işləri aparılır

29 avqust, 14:33

Region məktəbinin bütün məzunları tələbə oldu

29 avqust, 14:20

Lisey və gimnaziyalara II mərhələ üzrə qəbul nəticələri AÇIQLANDI

29 avqust, 14:08

Tərbiyəçi-müəllimlərin işə qəbulu üzrə imtahan keçirilib

29 avqust, 13:55

Yaşıl gələcək uğrunda: Təhsil və ekologiyada könüllü təşəbbüslər

29 avqust, 13:12

ADNSU Kitabxana informasiya mərkəzi oxuculara jurnal resurslarını təqdim edir

29 avqust, 12:26

Bu məzunlar rayon birinciləri oldular

29 avqust, 12:21

Təhsil haqqı üçün pul yoxdur? – Təhsil tələbə krediti ilə bağlı bütün detallar

29 avqust, 11:35

Bölgələrdə velosiped məşqçiləri üçün təlim keçiriləcək

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.