COP29-un Azərbaycanda keçirilməsi və 2024-cü ilin ölkəmizdə “Yaşıl dünya naminə həmrəylik ili” elan edilməsi ilə əlaqədar Ekologiya və Təbii Sərvətlər Nazirliyinin təşkilatçılığı ilə Abşeron yarımadasında keçirilən növbəti ağacəkmə aksiyasına Elm və Ali Təhsil üzrə Dövlət Agentliyi və Azərbaycanda təhsil alan beynəlxalq tələbələr də qoşulub.
“Azərbaycan müəllimi” xəbər verir ki, ağacəkmə aksiyasında müvafiq qurumların struktur bölmə rəhbərləri, ali təhsil müəssisələrinin nümayəndələri və ölkəmizdə təhsil alan beynəlxalq tələbələr iştirak ediblər.
Ekoloji vəziyyətin yaxşılaşdırılması, yaşıllıqların artırılması, eyni zamanda beynəlxalq tələbələrin şəbəkələşməsi və ictimai aktivliyinin artırılması və əcnəbilərin Azərbaycanda təhsilinin təşviqi məqsədilə payız ağacəkmə aksiyasında 18 ali təhsil müəssisəsindən 42 ölkəni təmsil edən 70-dən çox beynəlxalq tələbə iştirak edib.
Qeyd edək ki, aksiya zamanı 6 hektar ərazidə Abşeron yarımadasının iqliminə uyğun 4200 ədəd eldar şamı, əncir və püstə ağacları əkilib.
1 /14
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)