“Təhsil proqramları mütləq iş dünyasının tələblərinə uyğunlaşdırılmalıdır. Yeni xidmət alətlərindən istifadə etməliyik. Təcrübə və avadanlığa əsaslanan təhsil texnologiyalarını tətbiq etmək zəruridir”.
“Azərbaycan müəllimi” xəbər verir ki, bunu elm və təhsil nazirinin müavini İdris İsayev SABAH qruplarının 10 illik yubileyinə həsr olunan tələbə-məzun forumu və karyera sərgisinin açılışı zamanı deyib.
O bildirib ki, əmək bazarı ilə təhsil arasında daha interaktiv əlaqə qurulmalıdır. Əgər bu həyata keçirilməzsə, təbii ki, gənclərimizin təhsildən əmək bazarına keçidi çətinləşəcək:
“Bu, yalnız bir tərəfin üzərinə düşən məsuliyyət olmamalıdır. İş dünyası da bu prosesə hazır olmalı, işə götürənlər bu prosesdə aktiv iştirak etməlidirlər. Əgər hazırda işəgötürənlər gənclərimizdən, məzunlarımızdan fərqli tələblər gözləyirsə, onlar da təhsil prosesinə dəstək verməli və inteqrasiya olunmalıdırlar”.
Nazir müavini əlavə edib ki, təhsil prosesinin bütün mərhələlərində inteqrasiya təmin edilməli və bu proses mümkün qədər erkən mərhələdən tətbiq olunmalıdır. Çünki zamanın tələbləri dəyişir və biz buna uyğunlaşmalıyıq:
“Gənclərimiz isə düzgün məqsədlər müəyyən etməli və bu məqsədləri gələcəyin tələbləri və texnoloji inkişaf istiqamətləri əsasında planlaşdırmalıdırlar”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər