Azərbaycan Dövlət İqtisad Universitetinin (UNEC) Elmi fəaliyyətin təşkili şöbəsinin müdiri, Xanım Tədqiqatçılar Şurasının rəhbəri Nərgiz Hacıyeva ABŞ-ın Miçiqan Universitetində IHAA Ann Arbor adlı beynəlxalq evin dəstəyilə “Azərbaycan Günü” tədbiri təşkil edib.
Bu barədə “Azərbaycan müəllimi”nə universitetdən məlumat verilib.
Bildirilib ki, Nərgiz Hacıyeva təqdimatına Azərbaycan Dövlət İqtisad Universitetinin (UNEC) yaranma tarixi, tədris proqramları, beynəlxalq əlaqələri və rəhbərlik etdiyi UNEC Xanım Tədqiqatçılar Şurasının fəaliyyəti barədə ətraflı məlumat verib. Sonra Azərbaycanın neft sənayesindəki tarixi nailiyyətlərindən söz açıb. O, həmçinin Azərbaycan Xalq Cümhuriyyətinin yaranmasından, Nobel və Rotşild qardaşlarının Azərbaycan neftinə marağından, “Əsrin Müqaviləsi” kimi tanınan enerji sazişindən, eləcə də İkinci Qarabağ Müharibəsində əldə olunan parlaq qələbədən və işğaldan azad olunmuş ərazilərin bərpasından danışıb.
Tədbirin bədii hissəsində Nərgiz Hacıyeva Üzeyir Hacıbəyovun “Arşın mal alan” operettasından qısa səhnə canlandırıb, həmçinin “Sarı gəlin” və “Şuşanın dağları” musiqi sədaları altında milli rəqslər nümayiş etdirib.
“Azərbaycan Günü” iştirakçılar tərəfindən böyük maraqla qarşılanıb.
1 /3
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)