Amerikanın Beynəlxalq Təhsil İnstitutunun (IIE) “Açıq qapılar” hesabatına əsasən 2023-2024-cü tədris ilində ABŞ-nin ali təhsil müəssisələri dünyanın 200-dən artıq ölkəsindən 1 milyondan çox tələbə qəbul edib. Bu rəqəm əvvəlki tədris ilindən təxminən 17% artaraq ölkə iqtisadiyyatına təxminən 50 milyard ABŞ dolları həcmində töhfə  deməkdir.
 
Hesabata görə, əcnəbi tələbələrin əksəriyyəti STEM (elm, texnologiya, mühəndislik, riyaziyyat) sahələrində təhsil alır - 56%. Beynəlxalq tələbələr üçün riyaziyyat və informatika aparıcı təhsil sahələri olaraq qalır - 280,9 min tələbə (hər dörd tələbədən biri- 25%) onları seçib. 210,1 mindən çox tələbə (təxminən 5 tələbədən biri- 19%) mühəndislik elmləri üzrə təhsil alır. Digər populyar sahələrə biznes və idarəetmə (14 faiz), fiziki və həyat elmləri (8 faiz), sosial elmlər (8 faiz) və təsviri və tətbiqi sənət (5 faiz) daxildir.

Aşağıdakı cədvəldə Amerikaya ən çox tələbə göndərən ölkələrin adları, ümumi əcnəbi tələbə sayında payı və artma\azalma səviyyəsi əks olunub. 
Azərbaycandan bu dövrdə ABŞ-da təhsil alan tələbələrin sayı, ixtisaslar üzrə bölgüsü:

Hesabata əsasən, Azərbaycandan 2023-2024-cü tədris ilində Amerika universitetlərinə 1130 tələbə qəbul olunub, bu, əvvəlki illə müqayisədə 25.4 faiz artıqdır. Olardan 405 tələbə (əvvəlki illə müqayisədə 14,4% çox) bakalavriaturada,  343 tələbə (+34,7) magistraturada təhsil alır. 148 tələbə (28.7%) seçmə praktik məşğələləri (Optional Practical Training -ORT) başa vurub və 34 tələbə (17.2%) qeyri-dövlət təhsil proqramlarına (non-degree) qəbul edilib.

Postovet ölkələrindən bu dövrdə ABŞ-a oxumağa göndərilənlərin sayı ölkələr üzrə dəyişir: Rusiya 5071 (3.2%), Ukrayna 2183 (5.4), Qazaxıstan 2712 (11.1%), Gürcüstan 991 (19.1) , Qırğızısatn 977 (38.6%), Tacikistan  198 (16.5%), Türkmənistan 380(27.1),  Özbəkistan 1219 (11.9),  Belarus 389 (+1.8%),  Estoniya 195 (-1.0 faiz), Latviya 262 (4.4%), Litva 322 (-0,3%),  Moldova 154 (2.0 %), Ermənistan 497 (+8,8%).