19-21 dekabr tarixlərində Azərbaycan Memarlıq və İnşaat Universiteti (AzMİU) və Qazi Universitetinin birgə təşkilatçılığı ilə “Memarlıq və inşaatda enerji və ətraf mühit texnologiyaları” (ICETEA 2024) mövzusunda beynəlxalq konfrans keçiriləcək.
Bu barədə “Azərbaycan müəllimi”nə AzMİU-dan məlumat verilib.
Konfrans Azərbaycanın və xarici ölkələrin memarlıq və mühəndislik sahələrində fəaliyyət göstərən alim və mütəxəssislərin tədqiqatlarının nəticələrini təqdim etmək üçün platforma rolunu oynayacaq, təcrübə və fikir mübadiləsinin genişləndirilməsinə imkan yaradacaq. Üç gün davam edəcək tədbir çərçivəsində dəvət olunmuş aparıcı alimlərin çıxışları və tematik sessiyalar təşkil olunacaq.
Konfransın əsas istiqamətləri aşağıdakılardır:
1. Enerji və iqtisadi aspektlər
2. Memarlıq və ətraf mühit mühəndisliyi
3. Elektrik və elektronika mühəndisliyi və kompüter elmləri
Qeyd:
• Konfransda iştirak üçün qeydiyyat zəruridir.
• Məqalələr yalnız ingilis dilində qəbul edilir.
• Təşkilat komitəsi seçilmiş məqalələrin Scopus bazasında dərc olunması üçün qiymətləndirilməsini planlaşdırır.
Məqalələrinizi iceetea2024@gmail.com ünvanına göndərə bilərsiniz.
Ətraflı məlumat üçün linkə keçid edin: https://conferences.azmiu.edu.az/
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)