Naxçıvan Muxtar Respublikası Təhsil Nazirliyinə tabe təhsil müəssisələrində vakant olan gənclərin çağırışaqədərki hazırlığı rəhbəri vəzifəsinə işə qəbul üzrə ilk müsabiqə keçirilib.
"Azərbaycan müəllimi" xəbər verir ki, müsabiqə üçün sənəd qəbulu 24 sentyabr-10 oktyabr tarixlərində aparılıb. Sənəd verən 21 namizəddən 16-sı müsabiqədə iştirak edib.
Müsabiqədə namizədlərə 20 vəzifə proqramı, 5 məntiqi təfəkkür və 5 dünyagörüşü olmaqla, ümumilikdə 30 test tapşırığı təqdim olunub və tapşırıqların yerinə yetirilməsi üçün 60 dəqiqə vaxt ayrılıb.
Şəffaflığın təmin olunması baxımından namizədlərin imtahan nəticələri onların iştirakı ilə yoxlanılıb və imtahan nəticəsi binanı tərk etmədən namizədə elan olunub.
İmtahanı nəticələrinə əsasən, keçid balı 10 bal müəyyənləşdirilib və 5 namizəd keçid balını toplayıb.
Məlumat üçün bildirək ki, müsabiqəyə ümumtəhsil müəssisələrindən 23 vakant vəzifə çıxarılıb.
1 /2
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər