Elm və Təhsil Nazirliyi, Ekologiya və Təbii Sərvətlər Nazirliyi, Məktəbəqədər və Ümumi Təhsil üzrə Dövlət Agentliyi və Gənclərin İnkişaf və Karyera Mərkəzinin dəstəyi ilə "Regional İnkişaf" İctimai Birliyi tərəfindən icra olunan “Məktəblərdə “Yaşıl Könüllülük” proqramının icrası” layihəsi çərçivəsində region məktəblərində maarifləndirici təlimlər keçirilib.
“Azərbaycan müəllimi” xəbər verir ki, Şəki şəhər 7 və 11 nömrəli, Qoxmuq kənd tam orta məktəblərində, Lənkəran şəhər M.Bağırov adına 1 nömrəli, A.Məhərrəmov adına 7 nömrəli və M.Həsənov adına Şiləvar kənd tam orta məktəblərində keçirilən növbəti təlimlərdə Ekologiya və Təbii Sərvətlər Nazirliyinin mütəxəssisləri tərəfindən iqlim dəyişikliyinin təsirləri, mövcud iqlim trendləri və iqlim dəyişmələrinin su ehtiyatlarına təsiri, Gənclərin İnkişaf və Karyera Mərkəzinin mütəxəssisləri tərəfindən isə özünüinkişaf və karyera planlaması mövzuları haqqında şagirdlərə geniş məlumatlar verilib.
Bildirilir ki, layihənin məqsədi məktəblilərin ekoloji savadlılığının artırılması, məsuliyyət hissinin inkişaf etdirilməsi ekoloji məsələlərə həssas yanaşmanın təşviq edilməsi və şəxsi inkişaf bacarıqlarının artırılmasına dəstək verilməsidir.
1 /9
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər