Bütün xəbərlər
8 iyul, 15:58

30 yaşlı Gülbahar Quliyeva dörd ildir ki, müəllimlik edir. O, hazırda Bakı şəhəri Nəsimi rayonu 159 nömrəli məktəbdə ingilis dili müəllimi kimi fəaliyyət göstərir. Bu il müəllimlərin işə qəbulu (MİQ) imtahanında iştirak edərək ən yüksək - 100 bal toplayan Gülbahar Quliyeva bu nəticəsi ilə ətrafındakıları da sevindirib. Bu il sertifikatlaşdırma imtahanı verən Gülbahar Quliyeva həmin imtahandan da müvəffəqiyyət əldə edib - 56 bal toplayıb: “İmtahana özüm sərbəst hazırlaşmışdım. Düzünü desəm, 90-dan yuxarı bal gözləyirdim, amma nəticə 100 olanda inana bilmədim. İmtahan mənə çətin gəlmədi, sualları rahatlıqla cavablandırdım və hətta imtahanı 50 dəqiqə tez bitirdim”. 

MİQ imtahanının elektron formada təşkilini xüsusi dəyərləndirən Gülbahar müəllim elə bu amilə görə hələ imtahana girməmişdən əvvəl onun obyektiv keçiriləcəyinə inandığını söyləyib. İmtahanda iştirak etdikdən sonra isə bu inamı daha da möhkəmlənib: 

“Müsabiqənin elektron formada təşkili obyektivliyi təmin edir. Burada iştirak edərkən özüm də şahidi oldum ki, bütün namizədlər üçün eyni şərait yaradılır və qiymətləndirmə də hər kəs üçün eyni qaydada aparılır. İmtahan imkan verir ki, bilikli, bacarıqlı müəllimlər öz potensiallarını nümayiş etdirsinlər və işə qəbul edilsinlər”.

2021-ci ildə MİQ imtahanında ilk dəfə iştirak edən G.Quliyeva o zaman 60 ballıq sistemlə 48 bal toplayaraq məktəbdə pedaqoji fəaliyyətə başlayıb. Artıq 4 illik təcrübəsi olan gənc müəllim bu il həm özünü sınamaq, həm də imtahan formatı ilə daha dərindən tanış olmaq üçün yenidən imtahana girib. Amma bu dəfə məqsədi sadəcə iş yerinin dəyişdirilməsi deyildi: “Bu imtahanda iştirak etməkdə əsas məqsədim inkişaf etmək idi. Sertifikatlaşdırma imtahanından sonra düşündüm ki, MİQ-də də iştirak edim, suallarla tanış olum. Daim öz üzərimdə çalışıram. Özünü təkmilləşdirmək hər bir müəllim üçün vacibdir”.

Universitetə qəbul zamanı da 606 bal toplayan Gülbahar Quliyeva müəllimlik fəaliyyətinə Azərbaycan Dillər Universitetini bitirdikdən sonra – 2017-ci ildə başlayıb. İlk illərdə özəl tədris kurslarında və Azərbaycan Milli Elmlər Akademiyasında çalışsa da, daxili bir istək onu həmişə müəllimlik peşəsinə aparıb: “Müəllimlik mənim uşaqlıq arzum olub. Özümü yalnız sinifdə, şagirdlərə nəsə öyrədərkən və onlara ilham verərkən tam mənalı və xoşbəxt hiss edirəm. Məncə, müəllimlik təkcə peşə deyil, bir missiyadır”.

O, öyrətməyin və biliklərini paylaşmağın verdiyi enerjini heç nə ilə müqayisə etmir: “Bilik paylaşdıqca böyüyür, insan özü də bu prosesdə inkişaf edir”.

Vakant yer seçimi mərhələsində iştirak edib-etməyəcəyinə hələ tam qərar verməyən müəllim düşünür ki, əgər bu proses də ona özünü daha da təkmilləşdirməyə kömək edəcəksə, fürsəti dəyərləndirəcək.

Şərhlər

Xəbər lenti

28 iyul, 21:20

Bu universitet hüquqi adını saxlamaqla rebrendinq edəcək - Rektor AÇIQLADI

28 iyul, 20:05

Liseylərə qəbulla bağlı əlavə araşdırmanın ilkin nəticəsi açıqlanıb

28 iyul, 17:07

Azərbaycanın məşqçi-müəllimi Dünya Kubokunda bürünc medal aldı

28 iyul, 16:58

100 baldan az toplayanların xarici universitetlərə qəbulu məhdudlaşdırılmalıdır – Ekspert

28 iyul, 16:15

Vəzifə öhdəliklərini yerinə yetirməyən məktəb direktoruna töhmət verilib

28 iyul, 15:43

“Uğur sadəcə nəticə deyil, seçimdir” – Məzunların baxışı

28 iyul, 15:28

Hansı peşə təhsili müəssisələrinin yataqxanası var? – SİYAHI

28 iyul, 15:15

Təhsil işçilərinə verilən yollayışların sayı 136% artıb

28 iyul, 14:28

Musiqi sənəti üzrə test imtahanı keçirilib

28 iyul, 14:24

Firudin Qurbanov türkmənistanlı həmkarı ilə görüşüb

28 iyul, 14:15

Peşə mərkəzi ilk dəfə sahibkarlıqdan pul qazandı 

28 iyul, 13:42

Universitetə qəbul olan subbakalavrlar üçün xüsusi proqram hazırlanmalıdır – Mütəxəssis

28 iyul, 12:21

Sabahın hava proqnozu açıqlanıb

28 iyul, 11:55

Azərbaycanda süni intellekt sahəsində yeni dövlət standartı qəbul edilib

28 iyul, 11:27

Bu günədək 55 000-ə yaxın uşaq məktəbəhazırlıq qrupuna qəbul edilib

28 iyul, 11:14

AzMİU-nun biznes inkubatoru beynəlxalq sertifikatla təltif edilib

28 iyul, 10:22

Qadınlar üçün rəqəmsal dəstək – Süni intellektin yardımından istifadə ediləcək

28 iyul, 10:08

Qarabağ Universitetinin strateji hədəfləri

28 iyul, 09:50

Azərbaycan Əmək və Sosial Münasibətlər Akademiyasının tələbələri üçün ingilis dili təlimləri keçirilir

28 iyul, 09:36

İkili diplom proqramları: Azərbaycan ali təhsilinin beynəlmiləlləşmə yol xəritəsi

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.