Bütün xəbərlər
21 iyun, 17:40

Naxçıvanda keçirilən sertifikatlaşdırma prosesində Şərur rayonunun Danyeri kənd tam orta məktəbinin müəllimləri olan Novruz Hüseynli və onun həyat yoldaşı Raidə Hüseynli yüksək bal toplayaraq uğur qazanıblar. 

"Azərbaycan müəllimi" gənc ailə ilə həmsöhbət olub,  onların  sevincini bölüşüb.

Novruz Hüseynli 2012- 2016-ci illərdə Sumqayıt Dövlət Universitetinin “Tarix-coğrafiya müəllimliyi” ixtisası üzrə təhsil alıb. Magistr təhsili almaq üçün isə 2016-2018-ci illərdə Naxçıvan Dövlət Universitetində oxuyub. 

Əslən Şərur rayonunun Axura kəndindən olan müəllim 8 ildir ki, Danyeri kənd tam orta məktəbində coğrafiya fənnini tədris edir. Sertifikasiya imtahanında 55 bal toplayıb. Deyir ki, imtahan gözlədiyindən rahat keçib: 

"Heç təsəvvür etmitdim ki, belə rahat olar. Düzdür, çətin suallar var idi,  amma mənə asan gəldi. Bizim təzə toyumuz olduğu üçün başımız ona qarışmışdı, ona görə mən də, həyat yoldaşım da, demək olar ki, imtahana hazırlaşa bilmədik. Suallar sinifdə dediyimiz dərslərdən idi. Hər ikimiz üçün imtahan asan oldu".

Sertifikatlaşdırma onların ailə büdcəsinə də təsir edəcək. Müəllim deyir ki, hər ikisinin aylıq maaşının 35 faiz artması  onların xeyrinə olacaq:

"Məncə, əlli baldan aşağı toplamaq bir müəllimin savad göstəricisi deyil. Bundan sonra imtahan verənlərə uğurlar arzulayırıq”.

Novruz müəllim imtahan günündə yoldaşını İmtahan Mərkəzinin binası qarşısında gözlədiyindən onun da sevincli xəbərini tez alıb. Deyir ki, yoldaşının daha yüksək bal toplayacağını gözləyib və əslində, elə  gözlədiyi kimi də olub. 

Danyeri kənd tam orta məktəbin müəllimi Raidə Hüseynli  isə ingilis dili fənnindən 52 bal toplayıb. Əslən Şərur rayonunun Düdəngə kəndindən olan müəllim 2017-2021-ci illərdə Naxçıvan Dövlət Universitetinin “İngilis dili müəllimliyi” ixtisası üzrə təhsil alıb. 2022-ci ildə MİQ imtahanından 53 bal toplayıb. Artıq 3,5 ildir ki, Danyeri kənd tam orta məktəbində çalışır. Onun sözlərinə görə, imtahanın sualları orta çətinlikdə idi: 

"Hər səviyyədən suallar var  idi, oxuyub anlamaya üstünlük verilmişdi. Hazırlığa vaxt baxımından imkanım olmasa da, sualları rahatlıqla yaza bildim". 

O, bundan sonra imtahan verən müəllimlərə uğurlar arzulayaraq əlavə edir ki, ingilis dilindən imtahan verəcək müəllimlər oxuyub anlama mətnləri üzərində çox çalışsınlar, çünki əsas vaxt aparan suallar onlar idi. 

Hazırda Naxçıvan şəhərində yaşayan və hər gün kəndə gedib-gələn Novruz və  Raidə müəllimin iyunun 14- də toyları olub, 18 və 19-da isə imtahan veriblər. Hər ikisi də imtahan cavablarını eşidəndə çox sevinib, evlərində yenidən toy-bayram olub.

Şərhlər

Xəbər lenti

30 avqust, 12:16

Xaçmaz rayonu üzrə 650 məzun tələbə oldu

30 avqust, 10:59

Azərbaycanlı Kanzas Dövlət Universitetində yüksək vəzifəyə təyin olunub

30 avqust, 09:08

“Ana dili – Azərbaycan məktəbi”nə qeydiyyat başlayıb

29 avqust, 18:28

MİQ müsabiqəsinin müsahibə mərhələsinin nəticələri açıqlanıb

29 avqust, 17:23

Mühəndislikdə zərif güc: 50 qadın “Zərif mühəndislər”lə real istehsalata addım atdı

29 avqust, 17:01

İndiyədək 59 000-dən çox təhsil krediti müqaviləsi rəsmiləşdirilib – TTKF

29 avqust, 16:59

Peşə təhsili müəssisələrinə işə qəbul üzrə müsahibə mərhələsi başlayıb

29 avqust, 16:52

Evdə təhsil ləğv olunmayıb – RƏSMİ AÇIQLAMA

29 avqust, 16:26

ICPC dünya finalının direktoru: Azərbaycan 6 aya hazırlıq görən ilk ölkədir – MÜSAHİBƏ

29 avqust, 15:40

ADNSU rəhbərliyi Vorvik Universitetində tədqiqat mərkəzləri ilə tanış olub

29 avqust, 14:51

ADPU-da “Mexanikada yeni trendlər” adlı elmi konfrans keçiriləcək

29 avqust, 14:47

Mil-Muğan regionunun 41 məktəbində tikinti və təmir işləri aparılır

29 avqust, 14:33

Region məktəbinin bütün məzunları tələbə oldu

29 avqust, 14:20

Lisey və gimnaziyalara II mərhələ üzrə qəbul nəticələri AÇIQLANDI

29 avqust, 14:08

Tərbiyəçi-müəllimlərin işə qəbulu üzrə imtahan keçirilib

29 avqust, 13:55

Yaşıl gələcək uğrunda: Təhsil və ekologiyada könüllü təşəbbüslər

29 avqust, 13:12

ADNSU Kitabxana informasiya mərkəzi oxuculara jurnal resurslarını təqdim edir

29 avqust, 12:26

Bu məzunlar rayon birinciləri oldular

29 avqust, 12:21

Təhsil haqqı üçün pul yoxdur? – Təhsil tələbə krediti ilə bağlı bütün detallar

29 avqust, 11:35

Bölgələrdə velosiped məşqçiləri üçün təlim keçiriləcək

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.