Azərbaycan Dövlət İqtisad Universitetində (UNEC) 2024/2025-ci tədris ilinin yaz semestri üçün əcnəbilərin sənəd qəbuluna başlanılıb.

Bu barədə universitetdən “Azərbaycan müəllimi”nə məlumat verilib. Bildirilib ki, əcnəbilər ixtisaslardan asılı olaraq, aşağıda qeyd olunan tədris dillərində təhsil ala bilərlər.

• Azərbaycan dili
• İngilis dili
• Türk dili
• Rus dili

Qəbul prosesi haqqında məlumat:

Əcnəbilərin qəbulu elektron formada həyata keçirilir. Namizədlər qəbul üçün https://portal.edu.az/ internet səhifəsinə müraciət etməlidirlər.

Portalda qeydiyyatdan keçmək üçün təlimatlar:

Video-təlimat ingilis dilində

Video-təlimat azərbaycan dilində

Yazılı təlimat - ingilis dilində

Yazılı təlimat - rus dilində

Bakalavr üzrə ixtisaslar və təhsil haqqı

Magistratura üzrə ixtisaslar və təhsil haqqı

Qəbul üçün lazım olan sənədlər:

Bakalavr pilləsi üçün

• Attestat
• Attestatın və əlavəsinin apostili (əgər attestat xarici ölkədə alınıbsa)
• Attestatın Azərbaycan dilinə notarial tərcüməsi (əgər attestat xarici dildədirsə)
• Pasport
• CV
• Fotoşəkil 3×4 ölçüdə

Magistratura pilləsi üçün

• Bakalavr diplomu, qiymət cədvəli və diplom əlavəsi
• Bakalavr diplomunun, qiymət cədvəlinin və diplom əlavəsinin apostili və notarial tərcüməsi (əgər diplom xarici ölkədə alınıbsa)
• Pasport
• CV
• Fotoşəkil 3×4

Doktorantura pilləsi üçün

• Bakalavr və magistr diplomları, qiymət cədvəlləri və diplom əlavələri
• Bakalavr və magistr diplomlarının, qiymət cədvəlinin və diplom əlavələrinin apostili və notarial tərcüməsi (əgər diplomlar xarici ölkədə alınıbsa)
• Bakalavr və magistr diplomlarının tanınması (nostrifikasiya)
• Pasport
• CV
• Fotoşəkil 3×4

Sənəd qəbulu üçün son tarix: 31 yanvar 2025-ci il.

Dərslərin 17 fevral 2025-ci il tarixində başlanması nəzərdə tutulub.

Əlaqə və suallar üçün: admission@unec.edu.az, +994 12 492 60 45.