Qarabağın işğaldan azad olunmuş torpaqlarında fəaliyyətə başlamış ümumi təhsil müəssisələrinin şagirdləri də respublika fənn olimpiadalarının rayon (şəhər) mərhələsində iştirak edir.
“Azərbaycan müəllimi” xəbər verir ki, Xankəndi şəhər Nizami Gəncəvi adına 4 nömrəli, Şuşa şəhər 1 nömrəli, Xocalı şəhər 1 nömrəli və Füzuli şəhər M. Uluqbəy adına 1 nömrəli tam orta məktəblərdə ümumilikdə 213 nəfər şagird Respublika Fənn Olimpiadalarına qatılıb.
Qeyd edək ki, respublika fənn olimpiadalarının rayon (şəhər) mərhələsi informatika fənni üzrə VIII-IX siniflər üçün 28 dekabrda, X-XI siniflər üçün isə 29 dekabrda keçiriləcək.
Rayon (şəhər) mərhələsinin nəticələri www.portal.edu.az platforması və iştirakçıların təhsil aldıqları ümumi təhsil müəssisələri vasitəsilə elan olunacaq.
Respublika fənn olimpiadalarının keçirilmə məqsədi gənclərin elmə və təhsilə marağını artırmaqla yanaşı, onların intellektual inkişafına töhfə vermək, eyni zamanda müvafiq istiqamətlərə olan marağın artırılmasından ibarətdir.
1 /2
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər