Bütün xəbərlər
11 iyul, 21:38

Müəllimlərin işə qəbulu imtahanı (MİQ) artıq başa çatıb. Bu prosesi daha yaxından izləmək, müəllim namizədlərin yaşadıqları həyəcanı yerində görmək üçün, hər il olduğu kimi, bu il də imtahan mərkəzlərindən birinə baş çəkdik.

...Həyətə toplaşan hər kəsin gözü imtahan binasının qapısına dikilmişdi. Görəsən, bu qapıdan kim necə çıxacaq? Sevinc, yoxsa təəssüflə? Sanki hər kəs bu sualın cavabını üzlərdən oxumaq istəyirdi.

Bu fikirlər içində olarkən diqqətimizi bir gənc qız çəkdi. İti addımlarla bir qadına yaxınlaşan qız həyəcanla sadəcə bir cümlə - “ana, 90 bal topladım”, – deyərək ona sarıldı. 

Maraq məni onlara tərəf çəkdi, bu qızı daha yaxından tanımaq üçün yaxınlaşdım.

Həmsöhbətimiz “Musiqi müəllimliyi” ixtisası üzrə MİQ imtahanında 90,75 bal toplayan Aysu Abbasovadır. 

İmtahan təəssüratlarını bölüşən Aysu bildirir ki, suallar meyarlara uyğun şəkildə, asan, orta və çətin səviyyələrdə tərtib olunmuşdu:

“Bəzi suallar o qədər sadə idi ki, cavablandırmaq üçün bir dəqiqə kifayət edirdi. Nəzəri suallarda isə bir qədər düşünmək lazım gəlirdi, bu da 2-3 dəqiqə vaxt aparırdı. Metodiki suallar gözlədiyimdən daha asan idi. Əlbəttə, çətin suallar da vardı, lakin onların da öhdəsindən gəlmək mümkündür. Ümumilikdə sualların qoyuluşu və məzmunu məni tam qane etdi”.

Aysu Abbasova müəllimlik peşəsinin nə qədər məsuliyyətli olduğunu artıq dərk edir. O deyir ki, gələcək nəslin formalaşmasında mühüm rol oynayan müəllimlərin seçiminin bu formada aparılması ədalətlidir: “İmtahanların elektron formada təşkili və nəticələrin yerində təqdim olunması isə prosesin şəffaflığını bir daha sübut edir”.

O, musiqi fənninin tədrisinin əhəmiyyətinə də xüsusi diqqət çəkir:

“Şagirdlərimiz akademik biliklə yanaşı, mədəniyyət və incəsənət sahəsində də məlumatlı olmalıdırlar. Bu, onların digər fənlərə daha yaradıcı yanaşmasına şərait yaradır. Orta məktəblərdə musiqi fənninin keyfiyyətli tədrisi uşaqların yaradıcı potensialının üzə çıxarılması baxımından olduqca vacibdir. Arzu edirəm ki, musiqi dərsləri sadəcə ötəri keçilən bir fənn olmasın. Məncə, digər fənlər kimi musiqi də yüksək səviyyədə tədris edilməli, uşaqlarda musiqi zövqü erkən yaşlardan formalaşdırılmalıdır. Bir müəllim kimi bu bacarıqların şagirdlərdə inkişaf etdirilməsi üçün əlimdən gələni edəcəyəm”.

Uğurun heç də asan qazanılmadığını deyən Aysu xanım bəzən çətinliklərlə qarşılaşsa da, heç vaxt seçdiyi yoldan dönməyib:

“Düşünürəm ki, insanın arzulayıb nail ola bilməyəcəyi heç bir uğur yoxdur. İstək bizi ən uca zirvələrə çatdıran gücdür. Ən əsası isə odur ki, insan istəyərsə, bütün çətinlikləri dəf etmək mümkündür”.

Hazırda onun ən böyük arzusu işğaldan azad olunmuş doğma torpağımızda – Xankəndi şəhərində müəllim işləməkdir, məhz burada ölkənin gələcəyini formalaşdıracaq şagirdlərə bilik verməkdir.

Şərhlər

Xəbər lenti

30 avqust, 12:16

Xaçmaz rayonu üzrə 650 məzun tələbə oldu

30 avqust, 10:59

Azərbaycanlı Kanzas Dövlət Universitetində yüksək vəzifəyə təyin olunub

30 avqust, 09:08

“Ana dili – Azərbaycan məktəbi”nə qeydiyyat başlayıb

29 avqust, 18:28

MİQ müsabiqəsinin müsahibə mərhələsinin nəticələri açıqlanıb

29 avqust, 17:23

Mühəndislikdə zərif güc: 50 qadın “Zərif mühəndislər”lə real istehsalata addım atdı

29 avqust, 17:01

İndiyədək 59 000-dən çox təhsil krediti müqaviləsi rəsmiləşdirilib – TTKF

29 avqust, 16:59

Peşə təhsili müəssisələrinə işə qəbul üzrə müsahibə mərhələsi başlayıb

29 avqust, 16:52

Evdə təhsil ləğv olunmayıb – RƏSMİ AÇIQLAMA

29 avqust, 16:26

ICPC dünya finalının direktoru: Azərbaycan 6 aya hazırlıq görən ilk ölkədir – MÜSAHİBƏ

29 avqust, 15:40

ADNSU rəhbərliyi Vorvik Universitetində tədqiqat mərkəzləri ilə tanış olub

29 avqust, 14:51

ADPU-da “Mexanikada yeni trendlər” adlı elmi konfrans keçiriləcək

29 avqust, 14:47

Mil-Muğan regionunun 41 məktəbində tikinti və təmir işləri aparılır

29 avqust, 14:33

Region məktəbinin bütün məzunları tələbə oldu

29 avqust, 14:20

Lisey və gimnaziyalara II mərhələ üzrə qəbul nəticələri AÇIQLANDI

29 avqust, 14:08

Tərbiyəçi-müəllimlərin işə qəbulu üzrə imtahan keçirilib

29 avqust, 13:55

Yaşıl gələcək uğrunda: Təhsil və ekologiyada könüllü təşəbbüslər

29 avqust, 13:12

ADNSU Kitabxana informasiya mərkəzi oxuculara jurnal resurslarını təqdim edir

29 avqust, 12:26

Bu məzunlar rayon birinciləri oldular

29 avqust, 12:21

Təhsil haqqı üçün pul yoxdur? – Təhsil tələbə krediti ilə bağlı bütün detallar

29 avqust, 11:35

Bölgələrdə velosiped məşqçiləri üçün təlim keçiriləcək

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.