Elm və Ali Təhsil üzrə Dövlət Agentliyinin təşkilatçılığı ilə Azərbaycan Texniki Universitetində “Scopus AI – süni intellekt aləti ilə tədqiqat bacarıqlarının inkişafı” mövzusunda infosessiya keçirilib.
“Azərbaycan müəllimi” xəbər verir ki, agentlik bu barədə məlumat yayıb.
Bildirilib ki, tədbirdə müxtəlif elm və ali təhsil müəssisələrinin müəllimləri, tələbələri, tədqiqatçıları və məzunları iştirak edib.
Sessiya çərçivəsində süni intellekt əsaslı elmi məlumat axtarış sistemi – “Scopus AI” alətindən istifadə etməklə tədqiqat trendlərinin müəyyən edilməsi, xülasələrin hazırlanması, aktual mövzuların və müvafiq ekspertlərin tapılması barədə iştirakçılara məlumat verilib.
Oxşar infosessiyalar 9, 12 və 17 dekabr tarixlərində müvafiq olaraq Azərbaycan Dövlət Neft və Sənaye Universitetində, Azərbaycan Dövlət Pedaqoji Universitetində və Azərbaycan Dövlət İqtisad Universitetində keçiriləcəkdir.
Qeyd edək ki, Elm və Təhsil Nazirliyinin təşəbbüsü ilə cari ildən başlayaraq “Elsevier” şirkəti tərəfindən yaradılmış sistem ölkəmizdə 100-dən çox elmi, eləcə də ali təhsil müəssisəsinin istifadəsinə verilib.
1 /4
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)