Bakı və regionlarda yerləşən peşə təhsili müəssisələrində peşə bacarıqlarının artırılması və əmək bazarının ehtiyaclarına uyğun ixtisaslı kadrların hazırlanması məqsədilə qısamüddətli təlimlərin təşkilinə başlanılıb.
Peşə Təhsili üzrə Dövlət Agentliyindən “Azərbaycan müəllimi”nə bildirilib ki, təlimlər “Azərbaycan Respublikasının 2022–2026-cı illərdə sosial-iqtisadi inkişaf Strategiyası” çərçivəsində həyata keçirilir və ölkənin müxtəlif peşə təhsili müəssisələrində təşkil olunur.
Təlimlər əmək bazarının dəyişən ehtiyaclarına uyğun olaraq informasiya-kommunikasiya texnologiyaları (İKT), sənaye, xidmət, kənd təsərrüfatı və turizm sahələrini əhatə edir. Bu sahələr üzrə bilik və bacarıqlarını inkişaf etdirmək istəyən şəxslər portal.edu.az platforması vasitəsilə qeydiyyatdan keçərək təlimlərdə iştirak edə bilərlər.
Proqram çərçivəsində təlimləri uğurla başa vuran iştirakçılara əmək fəaliyyətinə başlamağa imkan verən dövlət nümunəli sertifikat təqdim olunacaq.
Qısamüddətli təlimlərin təşkil edildiyi müəssisələrin və müvafiq ixtisasların siyahısı ilə bu keçid vasitəsilə tanış olmaq mümkündür.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər