Bütün xəbərlər
9 oktyabr, 14:40

O, Bakı Dövlət Universitetinin (BDU) ən yaşlı tələbəsidir. Əzmi ilə heyrət doğuran Anaxanım Dadaşeva qadın üçün çətin sayılan bir peşəyə sahib olmaqdan ötrü 51 yaşında böyük həvəslə ali təhsil alır. “Oxumaq heç vaxt gec deyil” ifadəsi sanki müsahibimizin boyuna biçilib.

Anaxanım Dadaşeva BDU-nun Geologiya fakültəsinin “Mədən mühəndisliyi” ixtisasının I kurs tələbəsidir. Gəlin onu daha yaxından tanıyaq...

“Azərbaycan müəllimi” müsahibəni təqdim edir.

- Bizə özünüz barəsində ətraflı məlumat verə bilərsinizmi?

- Gənc yaşında ailə qurduğum üçün ali təhsil ala bilməmişdim. Həyat yoldaşımı itirdikdən sonra övladlarıma baxdım, bütün vaxtımı onlara ayırdım, ona görə təhsilimi davam etdirə bilmədim. Sonradan özümdə güc tapdım, ayağa durdum və təhsilimin arxasınca getmək qərarına gəldim. Öncə Azərbaycan Dövlət Neft və Sənaye Universitetinin nəzdində Bakı Neft-Energetika Kollecinə neft və qaz yataqlarının istismarı ixtisası üzrə qəbul oldum. Bu yaşdan sonra ali təhsil arxasınca getməyi isə ümumiyyətlə düşünmürdüm. Qızım universiteti bitirib ailə həyatı qurduqdan və oğlum iş sahibi olduqdan sonra fikirləşdim ki, bəlkə mən təhsilimi davam etdirim. 2019-cu ildən subbakalavrların universitetlərə imtahansız qəbulu ilə bağlı qərarın verilməsi isə mənim üçün stimul oldu. Seçmək istədiyim ixtisasın qiyabi şöbəsinin ləğv edilməsi bir az tərəddüd yaratdı, amma ətrafımdakı insanlar bu seçimin yaxşı olduğuna inandırdılar, davam etməyim üçün təşviq elədilər. Gördüyünüz kimi, artıq burdayam...

- Bəs bu ixtisası seçməyinizin səbəbi varmı?

- BDU-ya qəbul olunmamışdan qabaq mən tibb kursuna da getmişəm. Həmişə çalışmışam ki, öz üzərimdə işləyim. Hansısa işlə məşğul olanda çalışıram onu dərindən öyrənim. Bu sahəyə marağı isə məndə həyat yoldaşımın babası oyadıb. O, neftçi idi və bu barədə hər zaman ətraflı danışardı. Elə buna görə məndə maraq yaranmışdı. Amma heç düşünməzdim ki, nə vaxtsa mən də neftçi ola bilərəm, bu sahə üzrə təhsil alaram.

- Ali təhsilinizi tamamladıqdan sonra həmin sahə üzrə işləyəcəksinizmi? Sizcə, istədiyiniz sahə üzrə iş tapmaq asan olacaqmı?

- Əlbəttə, bu sahəyə marağım böyükdür. Azərbaycan neft ölkəsidir və bu resurslar üzrə bizdə çox güclü inkişaf gedir. Onun üçün də ixtisasım üzrə iş tapacağıma əminəm. Mən həmişə optimist fikirləşirəm, gələcəyi, hər şeyi yaxşı görürəm. Pessimist fikirlərə çox da qapılan insan deyiləm. Həmişə çətinliklərdən çıxmaq üçün özümdə güc tapıram.

- Çox güclü xarakteriniz var. Maraqlıdır, BDU-ya qəbul xəbərini aldıqda hansı hissləri keçirdiniz?

- Kollecə qəbul olanda daha gənc olduğum üçün ən böyük sevinci həmin zaman yaşamışdım. Övladlarımın ali məktəblərə qəbul xəbərlərində də o sevinci yaşadığım üçün bu xəbəri bir qədər adi qarşıladım. Amma yenə də mənim üçün xoş bir xəbər idi.

- Universitet mühiti sizə hansı təsiri bağışladı?

- Qrupumuzda tələbələrin əksəriyyəti kollecdən gəldiyi üçün yaş problemi yoxdur, bu mühit bizim üçün o qədər də yad deyil. Həm də əvvəl geologiya mənə çox çətin gəlirdi. Quyunu qazmaq asan görünsə də, o süxurları öyrənmək mürəkkəb idi. Amma müəllimlərimiz o qədər maraqlı izah edirlər ki... Artıq çox şey öyrənməyə başlamışam.

- Sizdən sonra belə bir addım atıb, ali təhsil almaq istəyənlərə nə demək istəyərdiniz?

- Heç vaxt heç nə üçün gec deyil. Məhəmməd peyğəmbər deyib ki, “Beşikdən məzara qədər elm, bilik öyrənin”. Mənim üçün dərslər o qədər maraqlı gəlir ki... On beş ilə yaxındır kolleci bitirmişəm. Yenidən bu mühitdə olmaq çox fərqlidir. Öyrənmək hər zaman lazımdır.

Şərhlər

Xəbər lenti

23 iyun, 20:30

"Maarifçi" tələbə-məzun təcrübə proqramının yeni iştirakçıları ilə görüş keçirilib

23 iyun, 17:43

TKTA BDU-da “Keyfiyyətə doğru addım: Akkreditasiya prosesinə hazırlıq” adlı seminar keçirir

23 iyun, 17:29

Jurnalistikanın qabiliyyət imtahanlarına qeydiyyatdan keçənlərin NƏZƏRİNƏ!

23 iyun, 17:19

Leyla Əliyeva məzun günündə iştirak edib - FOTO

23 iyun, 16:54

“Sən bacararsan!” – Kiçik cümlənin yaratdığı böyük dəyişiklik

23 iyun, 16:45

“Müasir metodist” layihəsi çərçivəsində təlimlər davam edir

23 iyun, 16:45

Təhsilin keyfiyyətinin artırılmasında metodik dəstəyin əhəmiyyəti

23 iyun, 15:45

“Ana dilini tədris etmək həm də azərbaycançılıq ideyasını aşılamaqdır” – MÜSAHİBƏ

23 iyun, 15:40

“Azərbaycan məktəbi” jurnalının 2025-ci il üçün 2-ci sayı işıq üzü görüb

23 iyun, 15:17

Rezidenturaya qəbul imtahanında iştirak edəcək namizədlərin NƏZƏRİNƏ!

23 iyun, 15:12

Elnur Nəsibov: Qızların təhsili ilə bağlı layihələr çərçivəsində 350-yə yaxın gənc təqaüd alır

23 iyun, 15:05

Bakıda təmir olunan təhsil müəssisələrinin sayı açıqlanıb

23 iyun, 15:01

Konya Texniki Universitetinin rektoru AzMİU-da olub

23 iyun, 14:30

Geomaqnit qasırğası gözlənilir

23 iyun, 14:20

Hər bir ali məktəb təqaüd proqramı ilə bağlı təşəbbüs göstərə bilər - Nazir

23 iyun, 14:15

Gəncə UGİŞM-in yetirməsi Avropa çempionatında gümüş medal qazanıb

23 iyun, 14:05

Emin Əmrullayev: İctimai təşəbbüslər beynəlxalq reytinqlərdə yüksəlmə üçün vacibdir

23 iyun, 13:50

Nazir: Qızların təhsilinə dəstək ölkənin inkişafı üçün strateji əhəmiyyət daşıyır

23 iyun, 13:26

Bahar Muradova: “Gənc qızların təhsilinə dəstək” layihəsi yüzlərlə gənc üçün yeni imkanlar açır

23 iyun, 12:52

Xaricidə ali təhsil alan 61 nəfər peşə tanınması üzrə imtahandan uğurla keçib

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.