Şirvan-Salyan və Mərkəzi Aran RTİ-lərin müdir vəzifələri onlara həvalə olunub
Xəbər verdiyimiz kimi, elm və təhsil naziri Emin Əmrullayevin müvafiq əmri ilə Şirvan-Salyan Regional Təhsil İdarəsinin keçmiş müdiri Sənan Mənsimli Qarabağ, Mərkəzi Aran Regional Təhsil İdarəsinin keçmiş müdiri Elçin Kərimov isə Gəncə-Daşkəsən Regional Təhsil İdarəsinə müdir təyin edilib.
"Azərbaycan müəllimi" xəbər verir ki, Şirvan-Salyan Regional Təhsil idarəsinin müdiri vəzifəsinin icrası İdarənin Tədrisin keyfiyyəti sektorunun müdiri Dadaşov Vüqar İsrəfil oğluna həvalə olunub. O, 2022-2023-cü illərdə Şirvan-Salyan Regional Təhsil İdarəsinin Neftçala rayonu üzrə Təhsil Sektorunun müdiri olub, 2023-cü ildən İdarənin Tədrisin keyfiyyəti sektorunun müdiri vəzifəsində çalışır.
Mərkəzi Aran Regional Təhsil İdarəsinin müdiri vəzifəsi isə idarənin müdir müavini Cavadov Cavad Alı oğluna həvalə olunub. Cavad Cavadov 2022-2023-cü illərdə Mərkəzi Aran Regional Təhsil İdarəsinin Tədrisin keyfiyyəti sektorunun müdiri olub, 2023-cü ildən indiyə qədər İdarənin müdir müavini vəzifəsində çalışır.
Digər xəbərlər
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)