ABŞ və digər ölkələrdə aparılan araşdırmalar göstərir ki, məktəblərdə mobil telefonların istifadəsinin məhdudlaşdırılması şagirdlərin akademik nəticələrinə müsbət təsir göstərir.

“Azərbaycan müəllimi” xəbər verir ki,  ABŞ-nin Pensilvaniya Universitetinin Vorton Məktəbinin professoru Alp Sunqunun rəhbərliyi ilə 17 000 şagird üzərində genişmiqyaslı araşdırma aparılıb. Nəticələr göstərib ki, sinifdə telefonların toplanması şagirdlərin qiymətlərini yüksəldir, xüsusilə aşağı göstəricisi olan, birinci sinif və qeyri-STEM fənləri üzrə daha effektivdir.

Tədqiqat həmçinin göstərib ki, telefon qadağaları dərs mühitini daha səmərəli edir. Şagirdlər bu qaydalara daha çox dəstək verirlər və diqqət yayındırıcı amillər azalır.

Yeni Zelandiyada da keçən ilin aprelinə qədər bütün liseylərdə telefon istifadəsi qadağan edilib və məktəb rəhbərləri bunun şagirdlərin nəticələrinə müsbət təsir etdiyini bildirirlər. Stratford liseyinin direktoru Cam Ston bildirib ki, qadağa sinifdə diqqətin artmasına, dərs mühitinin sakitləşməsinə və gənc şagirdlərin məktəbə adaptasiyasının asanlaşmasına səbəb olub.

Stone əlavə edib ki, telefonsuz dərs mühiti şagirdlərin təhsil prosesinə daha yaxşı fokuslanmasına kömək edir və sosial medianın gənclər üzərindəki mənfi təsirlərini azaldır. Buna görə o, 13 yaşından kiçik uşaqlar üçün sosial media istifadəsinə qadağanın zəruri olduğunu vurğulayıb.

Qeyd edək ki, Avstraliya Senatı 2025-ci ilin sonundan etibarən 16 yaşdan kiçik uşaqların “Facebook”, “TikTok”, “Instagram” və “Snapchat” platformalarına daxil olmalarını qadağan edən qanunu təsdiqləyib.