Azərbaycan Dövlət Aqrar Universitetinin (ADAU) dosenti Fariz Ələkbərov Koreya Respublikasında əldə etdiyi qabaqcıl “Ağıllı kənd təsərrüfatı” təcrübələrini universitetin professor-müəllim heyəti, tələbələr və inzibati heyəti ilə bölüşüb.
Universitetdən “Azərbaycan müəllimi”nə bildirilib ki, təlim zamanı Fariz Ələkbərov ağıllı kənd təsərrüfatı, dəqiq əkinçilik, IOT sensor texnologiyalarının əkinçilik sahəsində tətbiqi və smart istixanaların idarə edilməsi barədə yeni bilik və bacarıqlarını təqdim edib.
Təlimdə Koreyanın ağıllı kənd təsərrüfatında tətbiq etdiyi innovativ metodlar və bu təcrübələrin Azərbaycanda tətbiqi üçün imkanlar müzakirə olunub. Eyni zamanda, ekoloji amillərin IOT texnologiyaları vasitəsilə idarə edilməsi və kənd təsərrüfatında rəqəmsal texnologiyaların rolunun artırılması yolları haqqında fikir mübadiləsi aparılıb.
Fariz Ələkbərovun təşkil etdiyi təlim ADAU-da rəqəmsal kənd təsərrüfatı sahəsində bilik və bacarıqların genişləndirilməsi istiqamətində atılan önəmli addımlardan biri kimi qiymətləndirilib. Təlimdə iştirak edənlər yeni məlumatları universitetin fəaliyyətində tətbiq etməyə yönəlmiş ideya və təşəbbüslər irəli sürüblər.
1 /5
.jpg)
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)