2024-2025-ci tədris ilində Naxçıvan Dövlət Universitetinə (NDU) dəvət olunmuş əcnəbi professorlarla görüş keçirilib.
"Azərbaycan müəllimi" xəbər verir ki, görüşdə NDU-nun rektoru Elbrus İsayev ali təhsil ocağının çoxşaxəli beynəlxalq əlaqələrinin önəmini qeyd edərək, xarici universitetlərlə qurulan səmərəli əməkdaşlıqlar barədə danışıb.
O bildirib ki, 2024-2025-ci tədris ilində kadr potensialının artırılması, xarici təcrübənin öyrənilməsi, tədqiqat bacarıqlarının möhkəmləndirilməsi və universitetlər arasında akademik əməkdaşlığın gücləndirilməsi üçün NDU-ya Yaponiya, ABŞ və Türkiyədən 16 nəfər professor-müəllim dəvət edilib. Bütün bunlar tələbəyönümlü siyasət aparan universitetdə təhsilalanların savadlı, peşəkar mütəxəssis kimi formalaşmasında mühüm rol oynayır.
Görüşdə araşdırma sahələrinin genişləndirilməsinin vacibliyi, eyni zamanda əcnəbi professorların universitet əməkdaşları və tələbələrlə birgə layihələr həyata keçirilməsinin önəmi qeyd olunub.
Qars Qafqaz Universitetinin professoru İsa Özaydın, İstanbul Universiteti-Cərrahpaşanın dosenti Aysel Ərsoy, həmin universitetin professoru Rüya Şamlı, Kayseri Universitetinin professoru Mürsəl Karabacak və digər müəllimlər keçirilən dərslər və tələbələrin hazırlıq səviyyəsi haqqında məlumat veriblər.
1 /3
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər