Ümumi təhsil müəssisələrində “Müasir metodist” layihəsi çərçivəsində təlimlər davam edir
2023/2024-cü tədris ilindən “Müasir metodist” layihəsi çərçivəsində ümumi təhsil müəssisələrində fəaliyyətə başlayan metodistlər, müəllimlərlə sıx əməkdaşlıq edərək tədris prosesinin keyfiyyətini yüksəltməyə davam edirlər. Layihə çərçivəsində keçirilən budəfəki təlimin mövzusu “Tədris prosesində diferensinal yanaşmanın tətbiqi” olub.
Təhsil İnstitutundan “Azərbaycan müəllimi”nə bildirilib ki, diferensial yanaşma tədris prosesində şagirdlərin fərdi ehtiyaclarını, maraqlarını və bacarıqlarını nəzərə alaraq təlimin təşkilini nəzərdə tutur. Bu yanaşma şagirdlərin potensialının üzə çıxarılması və onların öyrənmə prosesinin daha effektiv olması üçün mühüm vasitədir.
Keçirilən təlimlərdə metodistlər və müəllimlər birlikdə şagirdlərin fərdi xüsusiyyətlərinə uyğun dərs planlarının hazırlanması, öyrənmə tempinə görə müxtəlif qruplar üçün tapşırıqların fərdiləşdirilməsi, diferensial yanaşmanın qiymətləndirmə prosesində tətbiqi mövzuları ilə bağlı müzakirələr aparıblar.
Layihə çərçivəsində keçirilən təlimlər müəllimlərin metodiki və pedaqoji bacarıqlarını artırmaqla yanaşı, onların motivasiyasını və pedaqoji innovasiyalara marağını da artırır. Diferensial yanaşmanın təlim prosesində tətbiqi şagirdlərin fərdi öyrənmə potensialını maksimum dərəcədə reallaşdırmasına, dərslərə marağının və iştirak səviyyəsinin yüksəlməsinə, onların akademik nailiyyətlərinin artırılmasına şərait yaradır.
Qeyd edək ki, təlimlərin mövzuları dərsdinləmələr və metodiki görüşlərdə müşahidə olunan ehtiyaclara əsasən müəyyən edilir. Bu yanaşma həm müəllimlərin peşəkar inkişafını, həm də ümumi təhsil müəssisələrinin tədris keyfiyyətinin davamlı təkmilləşdirilməsini təmin edir.
“Müasir metodist” layihəsi, o cümlədən diferensial yanaşmanın tədris prosesinə inteqrasiyası, ümumi təhsil müəssisələrinin inkişafına, şagirdlərin fərdi bacarıqlarının üzə çıxarılmasına və onların gələcəkdə uğurlu karyera qurmasına mühüm töhfə verir.
1 /4
.jpeg)
Digər xəbərlər
Gəncə Tibb Kollecinin direktoru vəzifəsindən azad edilib
DP məzunları BMT-nin "Confrence of Youth-COY19" tədbirində iştirak ediblər
.jpg)
Direktorların işə qəbulu üzrə müsabiqənin elektron sənəd qəbulu başlayıb
Azərbaycanda “avtobus-bağça"lar fəaliyyətə başlayacaq
%20%C3%90%C2%9A%C3%90%C2%BE%C3%90%C2%BF%C3%90%C2%B8%C3%91%C2%8F%20Sayt.-Fon%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20-%20%C3%90%C2%BA%C3%90%C2%BE%C3%90%C2%BF%C3%90%C2%B8%C3%91%C2%8F%20(4).png)
“Praktik riyaziyyat” adlı yeni metodik vəsait nəşr olunub
Felesiti Gilespi: Uşağın 22 aylıq inkişafı 26 yaşındakı təhsil göstəricisini müəyyən edir
İSİ-də Yunanıstanın Thessaly Universitetinin nümayəndələri ilə görüş keçirilib
“Data analitikası və təhsil tədqiqatları” işçi qrupunun təlim görüşləri davam edir
Naxçıvanın Təhsil Nazirliyində və rayon təhsil şöbələrində yeni təyinatlar olub
SABAH tələbə-məzun forumu və karyera sərgisi keçirilib
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
2024 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər (0)