Azərbaycan Gənc Müəllimlər Assosiasiyası bütün müəllimlərin fərqli, maraqlı təlimlərdən faydalanması və maariflənməsi məqsədilə onlayn təlim modullarını açıq elan edib.
Assosiasiyadan “Azərbaycan müəllimi”nə verilən məlumata görə, müəllimlər agma.az saytında qeydiyyatdan keçməklə 80-dən çox onlayn təlim modulundan istifadə etmək imkanı əldə edəcəklər. Təlimlər təhsildə qayğı və maarifləndirmə, ilkin müəllimlik təlimi, peşəkar müəllimlik təlimi, adaptasiya və məktəbəqədər təhsil istiqaməti adı altında 5 bölmə üzrə qruplaşdırılıb.
Onlayn təlim modulundan istifadə edən şəxslər təlimin məzmununa uyğun olaraq videomaterialla tanış ola və əlavə oxu materiallarını oxuya bilərlər. Müəllimlər sonda ümumi qiymətləndirmədə iştirak edəcəklər, nəticəsi 80% və daha yüksək olanlar sertifikat əldə edəcəklər.
Qeyd edək ki, onlayn təlim modulları üzrə daimi monitorinq aparılır, müvafiq düzəlişlər edilir. Sayta tezliklə yeni onlayn təlim modulları əlavə olunacaq.
.jpeg)
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər