“Ölkə üzrə SABAH qruplarının bakalavr üzrə məzunlarının məşğulluq üzrə göstəriciləri digər məzunların göstəricilərindən 10-12% yüksəkdir”.
“Azərbaycan müəllimi” xəbər verir ki, bunu bu gün SABAH qruplarının 10 illik yubileyinə həsr olunan tələbə-məzun forumu və karyera sərgisinin açılış mərasimində təqdimat ilə çıxış edən Əmək Bazarı və Sosial Müdafiə Məsələləri üzrə Milli Observatoriyanın İdarə Heyətinin sədri Elnur Səfərli deyib.
O bildirib ki, 10 illik (2013-2023) dövr üzrə 1 113 SABAH tələbəsinin təhsil məlumatları əsasında məşğulluq mənzərəsini göstərmək üçün sorğu aparılıb və 6617 SABAH qrupu məzun məlumatları əsasında data analitika həyata keçirilib:
“Keçirilən sorğu cavablarına əsasən, SABAH qruplarının məşğulluq göstəriciləri ölkə üzrə 86% təşkil edir. Məşğul şəxslərdən 70%-i hazırda işləyir, digərləri isə təhsil aldığı üçün işləmir. Bu ilin oktyabr ayına olan məlumatlara əsasən, 3408 məzunun “Əmək və məşğulluq” altsistemində müqavilə məlumatları, 384 nəfərin isə VÖEN məlumatları var”.
O əlavə edib ki, ümumi orta əməkhaqqı göstəricisinə gəldikdə isə, bir SABAH məzunun əməkhaqqı ortalama 1250 manatdan çoxdur. Ən yüksək əməkhaqqı 5 min manat, ən aşağı isə 135 manat təşkil edir. Aşağı əməkhaqqı alan şəxslər isə 0.5 ştat ilə çalışanlardır.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər