Bütün xəbərlər
25 fevral, 08:45

Bu gün fevralın 25-i Novruzun ilk xəbərçisi, xalq arasında “Gözəl çərşənbə”, “Yalançı çərşənbə”, “Əzəl çərşənbə”, “Gül çərşənbə”, “Sular novruzu” kimi müxtəlif adlarla adlandırılan Su çərşənbəsidir. Adından göründüyü kimi bu çərşənbə suyun təmizliyi, saflığı və həyat üçün əvəzolunmaz rolunu simvolizə edir. İnanclara görə, bu çərşənbədə su yenilənir, təzələnir və bütün canlılara həyat verir.

Baharın nəfəsi hələ uzaqlardan duyulsa da, ilk müjdəsi artıq su dalğalarının arasından bizə boylanır. Su çərşənbəsi təbiətin oyanışının incə pıçıltısı, torpağın dərinliklərində gizlənən həyatın üzə çıxmasıdır. 

Kəndlərdə səhər tezdən bulaq başına yığışan uşaqların sevinc dolu səsi eşidilir. Onlar buz kimi sərin suyu ovuc-ovuc üzlərinə vurub gülür, nənələr isə qədim ənənəyə sadiq qalaraq evin dörd bir tərəfinə su səpib bolluq və bərəkət arzulayırlar. Çaylar şırıltı ilə axaraq baharın ilk nəğməsini oxuyur, bulaqlar daha da guruldayır, sanki torpaq bir az da yüngülləşir.

Novruzun gəlişinin dörd müjdəçisindən birincisi olan Su çərşənbəsi ilə bayram hazırlıqlarına başlanılır. Qədim inanclara görə, Tanrı ilk insanı – Adəmi yaradarkən torpağa su qatıb, palçıqdan düzəldib və ona həyat verib. Bu dörd ünsür – su, od, yel və torpaq insan varlığının əsasını təşkil etdiyi üçün Novruz bayramı məhz bu dörd çərşənbə ilə müjdə edilir.

Su çərşənbəsi həm də təmizlik, yenilənmə və saf niyyətlərin simvoludur. İnsanlar inanırlar ki, bu gün axar sudan keçməklə bütün çətinliklərini geridə buraxır, yeni başlanğıca hazır olurlar. Uşaqlar evə su daşıyarkən anaları onları gülümsəyərək qarşılayaraq "Su bərəkətdir, su həyatdır!" deyirlər.

Söylənilənlərə görə, Tanrı ilk olaraq suyu yaradıb, buna görə də Su çərşənbəsi Novruzun başlanğıcı sayılır. Bu gün su mənbələri təmizlənir, arxlar qaydaya salınır, müqəddəs hesab edilən bulaqlardan su gətirilir. Səhər tezdən insanlar bulaq başına gedib əl-üzlərini yuyur, suyun üstündən atlanırlar və bu gün "təzə su"dan keçənlər ilboyu sağlam və xoşbəxt olacaqlarına inanırlar. 

Su həyat mənbəyi və aydınlıq rəmzi kimi qəbul edilir. İnsanların bir-birinin üzərinə su atması isə xoşbəxtlik və uğur gətirən bir ənənədir. Axşam düşəndə çərşənbə tonqalları yandırılır, ailələr bir masa arxasında toplaşır. Və hamı suya qəlblərinin  dərinliklərindən süzülüb gələn arzularını söyləyir. Kimi hamının eşidə biləcəyi şəkildə, kimisi isə pıçıltıyla. Su hər şeyi eşidir, hər sirri öz dərinliyində gizlədir. Süfrəyə su qoymaq və suyun masa üzərinə tökülməsi də ilin bərəkətli keçəcəyinə işarədir.

Su çərşənbəsi ilə başlayan bütün çərşənbələrimiz işğaldan azad olunmuş torpaqlarımızda, öz doğma yurduna qayıdan soydaşlarımız tərəfindən də xüsusi coşqu ilə qeyd olunur. Böyük Qayıdışla birlikdə torpaqlarımıza baharın nəfəsi, Novruzun bərəkəti yenidən qayıdıb.

Bəli, Su çərşənbəsi bizə təbiətin sonsuz dövranını, həyatın yenilənməsini və gələcəyə olan ümidimizi artırır. Elə isə, bu axar su kimi zamanın da bizə gətirdiyi bütün gözəllikləri qəlbimizə dolduraq. 

Novruzun ilk müjdəçisi olan Su çərşənbəsi xalqımıza bərəkət, sevinc və sağlamlıq gətirsin!

Onu da qeyd edək ki, martın 4-də Od, martın11-də Yel, martın 18-də isə sonuncu - Torpaq (İlaxır) çərşənbəsi qeyd ediləcək. 

Azərbaycana yaz fəsli martın 20-si saat 13:01-də daxil olacaq.

Şərhlər

Xəbər lenti

4 aprel, 22:11

BDU-da TələbəPlus kartı ilə bağlı infosessiya keçirilib

4 aprel, 21:10

Süni intellektin Azərbaycanda xarici dilin tədrisinə gətirdiyi yeniliklər

4 aprel, 21:04

Təhsil Tələbə Krediti Fondu könüllüləri təltif olunub

4 aprel, 20:56

“Məktəbli könüllülərin yaz düşərgəsi” təşkil olunacaq

4 aprel, 17:01

Müəllimlər üçün “Nə? Harada? Nə zaman?” oyunu üzrə respublika çempionatı elan edilir

4 aprel, 16:35

“Müasir metodist” layihəsi çərçivəsində vebinarlar davam edir

4 aprel, 16:19

SABAH məzunu Londonda keçirilən rəsm sərgisində I yeri tutub

4 aprel, 16:13

“Qarabağda Bahar Sevinci” müsabiqəsinin qalibləri müəyyən olunub

4 aprel, 16:10

Gəncədə “Scopus AI”ın imkanları mövzusunda infosessiya keçiriləcək

4 aprel, 15:40

ATİAHİ Respublika Komitəsinin "xüsusi təklif" kampaniyasından 270 təhsil işçisi yararlanıb

4 aprel, 15:20

Böyük səhnədə zərif addımlar – Balaca Zeynəbin hekayəsi

4 aprel, 15:10

"BilBacar" müsabiqəsinin aprel ayı üzrə hazırlıq mərhələsinə start verilib

4 aprel, 14:42

8-ci ADA Beynəlxalq Təhsil Konfransına sənəd qəbulu başlayıb

4 aprel, 14:41

Həm rəssamdır, həm də tədqiqatla məşğul olur - Oğuz məktəblisinin uğuru

4 aprel, 13:46

Tələbə yaz düşərgələrinin bağlanış mərasimi keçirilib

4 aprel, 13:24

Psixoloqların işə qəbulu üzrə müsabiqənin müsahibə mərhələsinin vaxtı açıqlanıb

4 aprel, 13:23

İctimai Şuranın təşəbbüsü ilə Autizm Maarifləndirmə Günü münasibətilə tədbir keçirilib

4 aprel, 13:14

UNEC-də “Elm Festivalı” keçiriləcək

4 aprel, 13:08

ARTİ MİQ imtahanlarına peşə ixtisasları üzrə suallar hazırlayan mütəxəssislər axtarır

4 aprel, 13:01

“Yüksəliş” müsabiqəsi ilə bağlı məlumat sessiyası keçiriləcək

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.