Bu il martın 2-də və 9-da keçirilən tam (11 illik) orta təhsil səviyyəsi üzrə buraxılış imtahanlarında markerlər 1,7 milyondan çox tapşırıq üzrə qiymətləndirmə aparıblar.
“Azərbaycan müəllimi” xəbər verir ki, bunu Dövlət İmtahan Mərkəzinin Bacarıqların, vərdişlərin qiymətləndirilməsi və markerlərlə iş şöbəsinin müdiri Aydın Qasımov yazı işlərinin qiymətləndirilməsi texnologiyası haqqında çıxışı zamanı deyib.
O bildirib ki, bir tapşırığın iki marker tərəfindən yoxlanıldığı nəzərə alınarsa, 3,5 milyona yaxın qiymətləndirmənin həyata keçirildiyi məlum olur.
Yazı işlərinin qiymətləndirilməsi prosesinin hər bir tapşırıq üzrə ayrı aparılmasının faydalarından danışan A.Qasımov əlavə edib ki, istənilən bir şagirdin hər tapşırıq üzrə yazı işinin iki ayrı marker tərəfindən qiymətləndirilməsi onun hər hansı işarələmə vasitəsilə yazı işini tanıtması cəhdlərini sıfra salır. O, hər şagirdin ümumi işinin ən azı 20 müxtəlif marker tərəfindən yoxlanıldığını da qeyd edib.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər