“Ötən illə müqayisədə bu il xaricdə təhsil üzrə Dövlət Proqramına müraciət edənlərin sayı daha çox olub. Təəssüf ki, bəzi gənclər təqaüd qazana bilməyiblər. Lakin bu, son şans deyil”.
“Azərbaycan müəllimi” xəbər verir ki, bu fikirləri Dövlət Proqramının İdarəetmə Qrupunun rəhbəri Turan Topalova jurnalistlərə açıqlamasında qeyd edib.
O bildirib ki, proqramda iştirak üçün müraciəti növbəti illərdə də etmək mümkündür. İlkin olaraq, bu ilin sonunadək növbəti qəbul üçün təsdiq edilmiş universitet və ixtisasların siyahısı hazırlanaraq ictimaiyyətə təqdim olunacaq. Namizədlər həmin siyahı əsasında seçim edərək sənədlərini təqdim edə biləcəklər.
Turan Topalova əlavə edib ki, Dövlət Proqramı çərçivəsində təsdiq olunmuş ölkələr sırasında Birləşmiş Krallıq, Amerika Birləşmiş Ştatları, Avstraliya, Türkiyə və Çin yer alır: “Daha çox üstünlük verilən ixtisas istiqamətləri isə informasiya texnologiyaları, mühəndislik, statistika və verilənlərin təhlili, fundamental elmlər və digər prioritet sahələrdir”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər