İsrail məktəblərində süni intellekt alətlərinin tətbiqi planı çərçivəsində təhsil sistemində "Süni İntellekt İli (AI)" elan edilib. Bununla da İsraildə süni intellektin (Aİ) məktəb proqramına daxil edilməsi təmin ediləcək.

“Azərbaycan müəllimi” xəbər verir ki, İsrail Təhsil Nazirliyi süni intellektin (AI) məktəb təhsil sisteminə inteqrasiyası üzrə islahat planını təqdim edib. Proqram IV sinifdən XII sinfə qədər bütün şagirdləri əhatə edəcək. Bu barədə ölkənin “The Jerusalem Post” xəbər portalı məlumat yayıb. 

İslahat çərçivəsində təhsil sistemi üçün xüsusi hazırlanmış AI alətləri məktəb proqramına daxil ediləcək. O cümlədən:
Q - məktəblilərə süni intellektdən istifadə etməyi öyrədən bot;
Binah - məktəb proqramının öyrənilməsində köməkçi olacaq “Google Gemi” bazasında şagirdlər üçün Chatbot;
Magic School - dərslərin planlaşdırılması və şagirdlərin qiymətləndirilməsi üçün platforma.

Kiçikyaşlı şagirdlər üçün “Minecraft” oyun mühitinin uyğunlaşdırılmış versiyası təqdim olunacaq. Nazirlik “Google”, “Microsoft”, “Apple” və “Nvidia” da daxil olmaqla 400-dən çox aparıcı şirkəti 3 min mentorun hazırlanmasına cəlb edib. Onlar AI alətlərini pedaqoji ehtiyaclara uyğunlaşdıraraq birbaşa məktəblərlə işləyəcəklər.

Bundan əlavə, 70 mindən çox müəllim üçün süni intellektin təhsilə inteqrasiyasının müxtəlif aspektləri üzrə vebinarların keçirilməsi planlaşdırılır. İsraildə təhsil sisteminin əsas islahatları 2025-ci ilin sonuna qədər başa çatmalıdır.

Xatırladaq ki, 2023-cü ilin oktyabrında Sinqapurdakı bütün məktəblərin AI əsaslı adaptiv öyrənmənin tətbiqinə başlanılıb. 2024-cü ilin dekabrında Çinin Təhsil Nazirliyi ibtidai və orta məktəbləri AI texnologiyasının öyrənilməsini tədris proqramına daxil etməyə çağırıb. Çində bu zərurət onunla izah olunur ki, onsuz da aşağı siniflərdə şagirdlər AI haqqında əsas fikirləri inkişaf etdirməli və ibtidai məktəbin sonunda (orada təhsil altı il davam edir) texnologiyanı tətbiq etməyi öyrənməlidirlər. Orta məktəbdə AI-nin tətbiqi ilə yenilikçi layihələrə diqqət yetiriləcək.

Rusiyada isə məktəblərdə AI-nin öyrənilməsi hələ geniş yayılmayıb. Məsələn, 2024-cü ildə V-IX sinif şagirdləri üçün süni intellektə dair ilk dərsliklər hazırlanıb, lakin onlar dərsdənkənar məşğələlər üçün nəzərdə tutulub. Bundan əlavə, VII – XI sinif şagirdləri üçün ixtisaslaşdırılmış onlayn kurslar mövcuddur.