“201 nömrəli məktəbdəki məsələnin fonunda qeyd etmək istəyirəm ki, biz müəllimlərimizin yanındayıq. İşini görən hər bir müəllim üçün bu keçərlidir. Düşünürəm ki, haqq-ədalət öz yerini tapacaq. Lakin müəllimlər əgər nəyisə şouya çevirirlərsə, bu onların adına yaraşmaz. Müəllim məktəbdə şou ilə məşğul ola bilməz”.
“Azərbaycan müəllimi” xəbər verir ki, bu barədə bu gün təşkil edilən mətbuat konfransında elm və təhsil naziri Emin Əmrullayev məlumat verib.
O qeyd edib ki, lakin bir adamın fəaliyyətinin qanunsuz olması üçün faktlar tələb olunur:
“Məzuniyyətdə olan şəxslər barəsində hər hansı araşdırma, inzibati-tənbeh tədbiri həyata keçirmək mümkün deyil. Biz nazirlik olaraq müəllimlərimizin yanındayıq. Agentlik tərəfindən bununla bağlı tapşırıqlar verib və məsələ araşdırılacaq”.
Qeyd edək ki, iddiaya görə 201 nömrəli tam orta məktəbin direktoru Afaq Əliyeva vəzifə səlahiyyətlərindən sui-istifadə edib. Qanunsuz işdən çıxarmaların olması ilə bağlı da iddialar var.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər