“Səhiyyə sahəsi üzrə təhsil alanların diplomlarının tanınması ilə bağlı qərarları Elm və Təhsil Nazirliyi deyil, müvafiq qurumlar verir. Biz yalnız həmin komissiyaların işinə qatılır, lazım olan məlumatları təqdim edirik”.
“Azərbaycan müəllimi” xəbər verir ki, bunu elm və təhsil naziri Emin Əmrullayev bu gün keçirdiyi brifinqdə deyib.
Nazir belə diplomların tanınması prosedurunu da açıqlayıb:
“Elm və Təhsil Nazirliyi olaraq, bu məsələdə mütləq Səhiyyə Nazirliyinin rəyinə əsaslanırıq. Proses belə işləyir: məsələn, biri gəlib deyir ki, mən həkiməm. Onu aidiyyəti quruma yönləndirir və müvafiq yoxlamalardan sonra qərar veririk. Sırf səhiyyə sahəsində bu, belədir. Burada iştirakımız yalnız ondan ibarətdir ki, məsələyə aidiyyəti olan sahələrin nazirliklərinin rəyini alırıq. Məsələn, deyirik ki, mühəndis təhsili alanlar Dövlət İmtahan Mərkəzində imtahan versinlər. Hüquq sahəsində də oxşar mexanizm mövcuddur. Biri deyirsə ki, mən hüquqşünasam, biz ona inanırıq, amma DİM-də imtahan verməsini tələb edirik ki, görək, həqiqətən hüquqi biliklərə malikdirmi?”
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər