“Ötən tədris ilində 63 minə yaxın şagird Respublika fənn olipiadalarında iştirak edib ki, bu da əvvəlki ilə nisbətən 46% artım deməkdir”.
“Azərbaycan müəllimi” xəbər verir ki, bu fikirləri bu gün “2025–2026-cı tədris ili: yeniliklər və hədəflər” mövzusunda təşkil edilən tədbirdə Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov səsləndirib.
O qeyd edib ki, Respublika fənn olimpiadalarında 82 minə yaxın şagird iştirak edib, bu isə əvvəlki ilə nisbətən 45% artımı göstərir. Həmçinin Lütfi Zadə adına Riyaziyyat-Məntiq Olimpiadasımda 31 mindən çox şagird iştirak edib. Bu ötən tədris ili ilə müqayisədə 48% artım deməkdir:
“Beynəlxalq olimpiadalarda isə məktəblilərimiz ümumilikdə 5 qızıl, 14 gümüş, 31 bürünc olmaqla 50 medal qazanıblar. Lakin ən böyük qələbəmiz medallar yox, daha çox uşağın bu prosesə qoşulması və öz istedadını üzə çıxarmasıdır. Bundan əlavə, Ulu Öndərin xatirəsinə həsr olunmuş “Ən yaxşı təqdimat müsabiqəsi”ndə 3 minə yaxın şagird iştirak edib. Milli Hakaton müsabiqəsində isə rekord sayda – 390 minə yaxın şagird ilk mərhələlərdə iştirak edib”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər