“İctimaiyyəti də buna əmin etmək istəyirik ki, bütün deyilənlərə baxmayaraq, bu gün Azərbaycan elmi alimlərimizin çiyinləri üzərindədir. Bu qədər az maliyyə və zəif təminatla elmimizi bu günə qədər gətirib çıxarmışıqsa, eyni zamanda, elmmetrik göstəricilərdə artım dinamikası müşahidə olunursa, buna görə biz alimlərimizə borcluyuq”.
“Azərbaycan müəllimi” xəbər verir ki, bunu İctimai Televiziyanın "Sabaha saxlamayaq" proqramında elm və təhsil nazirinin müşaviri Nicat Məmmədli elmi-tədqiqat institutlarının fəaliyyətləri ilə bağlı aparılan müzakirə zamanı deyib.
O bildirib ki, göstəricilər Azərbaycanda ciddi tədqiqatçıların və güclü elmi potensialın mövcud olduğunu sübut edir:
“Bunlarla yanaşı, dəyişikliklər də həyata keçirilməlidir. Bu dəyişikliklərin isə yaxşı düşünülmüş siyasi metodologiyası olmalıdır. Prezidentin imzaladığı sərəncam da məhz həmin optimallaşdırılma prosesinin başlanmasına yönəlib. Bundan sonra da kifayət qədər görüləcək işlər var”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər