Azərbaycan Dövlət Pedaqoji Universitetinin (ADPU) rektoru professor Cəfər Cəfərov Azərbaycanda ilk dəfə keçirilən Azərbaycan Beynəlxalq Robot Olimpiadasında ADPU-nu təmsil edərək “Mega Sumo” və ”Line folowing” kateqoriyalarında müvafiq olaraq II və III yerlərə layiq görülən "Farad" komandasının üzvlərini qəbul edib.
Universitetdən “Azərbaycan müəllimi”nə bildirilib ki, görüşdə Fizika fakültəsinin dekanı dosent Arzu Daşdəmirov, ADPU-nun Elmi-Tədqiqat Mərkəzinin direktoru dosent Ərastun Mehdiyev və komandanın üzvləri Həsənova Nərmin, Şəfiyev Uğur, Cəfərova Tünzalə, Hacılı Əsmər və Qəfarova Zeynəb iştirak ediblər.
Görüş zamanı prof. C.Cəfərov gənclərin intellektual səviyyəsinin yüksəldilməsində STEAM Mərkəzinin əhəmiyyətindən danışıb. Rektor elmin yüksək pilləsinə qalxmaq üçün nəzəriyyə və praktikanın vəhdətini vurğulayaraq qalib tələbələri təbrik edib.
Eyni zamanda bu uğura imza atan fakültənin gənc tədqiqatçı müəllimlərindən olan f.f.d. Vəfa Abdurahmanovanın əməyini yüksək qiymətləndirərək fəaliyyətində uğurlar arzulayıb.
1 /1
.jpeg)
.jpeg)
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər