ADNSU-da Mülki Müdafiə Gününə həsr olunmuş tədbir keçirilib
Fevralın 28-də Azərbaycan Dövlət Neft və Sənaye Universitetində (ADNSU) Ümumdünya Mülki Müdafiə Gününə həsr olunmuş tədbir keçirilib.
“Azərbaycan müəllimi” xəbər verir ki, ADNSU-nun prorektorlarının, o cümlədən professor-müəllim heyətinin iştirak etdiyi tədbirdə Mülki Müdafiə Qərargahının rəisi Elşən Məmmədov mülki müdafiənin vacibliyindən danışıb və bu günün yaranma tarixi haqqında tədbir iştirakçılarına məlumat verilib.
Çıxışlarda ölkəmizdə, o cümlədən ADNSU-da mülki müdafiəyə ayrılan diqqətdən bəhs olunub. Mülki müdafiənin insan həyatında, təhlükəsizliyin təminatındakı rolu tədbir iştirakçılarının diqətinə çatdırılıb.
Qeyd edək ki, Ümumdünya Mülki Müdafiə Günü – 1972-ci ildə Ümumdünya Mülki Müdafiə Təşkilatının yaradılması münasibətilə hər il kütləvi humanitar tədbir kimi qeyd edilir. Azərbaycan 1993-cü ildə bu nüfuzlu beynəlxalq təşkilata üzv olub.
