Laçın məktəbində kosmos həftəsi qeyd olunub
Azərbaycan Respublikasının Kosmik Agentliyinin nəzdində fəaliyyət göstərən KOSMİK Akademiyanın təşəbbüsü ilə 4-10 oktyabr tarixlərində qeyd olunan Ümumdünya kosmos həftəsi çərçivəsində Laçın şəhər 2 nömrəli tam orta ümumtəhsil məktəbində maarifləndirici tədbir təşkil olunub.
"Azərbaycan müəllimi" xəbər verir ki, tədbirdə şagirdlər kosmos, Günəş sistemi, planetlər və Azərbaycanın kosmik nailiyyətləri haqqında müstəqil araşdırmalar əsasında hazırladıqları maraqlı və yaradıcı təqdimatlarla çıxış ediblər.
Şagirdlərin fəallığı, elmi biliklərə marağı, xüsusilə tədqiqat və təqdimat bacarıqları tədbirə xüsusi rəng qatıb.
