Nazir: İkinci dövriyyədə 50 bal toplayanların maaşı 10% artacaq
“Əvvəl elə müəllimlər var idi ki, ərizəni, “müəllim”, “qrup” sözünü düzgün yazmırdılar. İndi elə müəllimlər yoxdur”.
“Azərbaycan müəllimi” xəbər verir ki, bunu elm və təhsil naziri Emin Əmrullayev “Sertifikatlaşdırma 2026: səriştəli müəllim – keyfiyyətli təhsil” mövzusunda keçirilən tədbirdə deyib.
Nazir bildirib ki, sertifikatlaşdırma prosesinin ikinci mərhələsi ilə bağlı müzakirələr davam edəcək:
“Mövcud qanunvericiliyə əsasən, ikinci dövriyyədə 50 bal toplayan müəllimlərin əməkhaqqı 10% artacaq. Lakin ümumilikdə sertifikatlaşdırmanın ikinci dövriyyəsi ilə bağlı müzakirələr aparılacaq”.
Emin Əmrullayev qeyd edib ki, son 10-15 illə müqayisədə müəllimlərin əməkhaqqı dəfələrlə artıb:
“Biz elə suallar yazmalıyıq ki, nə birdən-birə müəllimlərin 25%-i kəsilsin. Nə də asan suallar qoymamalıyıq ki, hamı yüksək bal toplasın. Bizin xeyli yaxşı müəllimimiz var, zəif müəllimlərin sayı azdır. İndi müəllimlərimizin bir-birindən fərqi çox azdır.”.
O bildirib ki, valideynlər övladları üçün müəllim seçməməməlidir, növbəti mərhələdə müəllimləri eyni standarta gətirmək lazımdır.
