Bakı Bəyannaməsi iqlim dəyişikliyinin insan inkişafına təsirini azaltmaq üçün sektorarası əməkdaşlığın artırılmasının vacibliyini bir daha xatırladıb. UNESCO bu istiqamətdə qlobal səylərin genişləndirilməsinə sadiq olduğunu bəyan edib.
“Azərbaycan müəllimi” xəbər verir ki, bunu UNESCO-nun Sülh və Dayanıqlı İnkişaf bölməsinin rəhbəri Kristofer Kastl COP29 çərçivəsində“İqlim dayanıqlılığı üçün insan inkişafı üzrə Bakı Təşəbbüsü” mövzusunda keçirilən birgə iclasda deyib.
O, çıxışı zamanı COP29-da Bakı Bəyannaməsinin əhəmiyyətini vurğulayıb:
"Təhsil və insan inkişafı üzrə yeni yanaşmalar iqlim dəyişikliyi ilə mübarizədə əsas rol oynayacaq. Dünya Bankının məlumatına görə, 2022-ci ildən bəri iqlimlə əlaqəli səbəblərdən 400 milyondan çox şagird təhsildən geri qalıb. Məktəblərin iqlim dəyişikliklərinə uyğunlaşmasını təmin etməli və iqlim fəlakətləri nəticəsində təhsildən kənarda qalan şagirdləri dəstəkləməliyik”, - deyə nümayəndə bildirib.
Bununla yanaşı, UNESCO-nun "Davamlı inkişaf üçün təhsil" təşəbbüsü və "Təhsilin yaşıllaşdırılması tərəfdaşlığı" çərçivəsində işləri genişləndirdiyini qeyd edən nümayəndə iqlimə davamlı, aşağı karbonlu təhsil sistemlərinin qurulmasının vacibliyini diqqətə çatdırıb.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər