COP 29 ərəfəsində Climate Science Olympiad mükafatlandırma mərasimi keçirilib.

Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Bakıda keçirilən 29-cu sesisyasında İqlim Elm Olimpiadasının mükafatlandırma mərasimi keçirilib. 2021-ci ildən bəri həyata keçirilən bu qlobal təşəbbüs, iqlim problemlərinə cavab tapmaq üçün 12-24 yaşlı gəncləri bir araya gətirərək onların fəallığını təşviq edir. BMT tərəfindən keçirilən olimpiada minlərlə gənci bu ciddi mövzu ətrafında düşünməyə sövq edir.

Green Zonada təşkil olunan mükafatlandırma mərasimində Climate Science Olympiad-sının rəhbəri xanım Alexandra, CSO-nun Azərbaycandakı rəsmi nümayəndəsi və Global Olympiad Center-in (GOC) direktoru Xəyal İbrahimzadə iştirak ediblər. Xanım Alexandra Sfez çıxışı zamanı İqlim Olimpiadasının yarandığı gündən etibarən böyük iştirak sayı ilə yadda qaldığını, hazırda 196 ölkədən 150,000-dən çox iştirakçı bu nüfuzlu olimpiadada iştirak etdiyini söyləyib. Bu il isə 38,000 iştirakçı dörd mərhələdən ibarət olan olimpiadada iştirak edib.

Ölkəmizi bu mötəbər tədbirdə təmsil edən Global Olympiad Center-in (GOC) direktoru Xəyal İbrahimzadə qonaqları salamlayıb. Çıxışı zamanı olimpiada da ölkəmizin ilk dəfə qatılmasına baxmayaraq ilkin mərhələdə 1000-dən çox şəxsin iştirak etiyini, onlardan 3 nəfərin İntizar İsgəndərli,Fərəh Məmmədli,Ülvi Əfəndiyevin finalada çıxış etdiyini vurğulayıb.

Açılış nitqlərindən sonra təltif olunma mərasimi başlayıb. CSO 2024 qalibləri Jack Cole (Amerika Birləşmiş Ştatları), Morgan Cole (Amerika Birləşmiş Ştatları), Deepa Shanmugam (Amerika Birləşmiş Ştatları), John Karakoulas (Kanada) öz mükafatlarını əldə ediblər. Qaliblərə CSO tərəfindən 15000 usd pul mükafatı və Austuraliya 1 həfətlik səyahət əldə ediblər. Azərbaycan tərəfindən isə milli ornamentlərimizlə bəzədilmiş xüsusi hədiyyələr təqdim olunub.

COP çərçivəsində keçirilən CSO olimpiadası UNESCO, Learning Planet Alliance, Learning Planet Institute, 10 Billion Solutions-nun dəstəyi ilə təşkil olunur.

Qeyd edək ki, COP 30 çərçivəsində keçiriləcək CSO 2025-in seçim turu yanvar ayından start götürəcək.